Konsumidó Alertá Volumen 11, òktober 2014 - Page 20

Patia ta un di e frutanan ku bo por kumpra kasi hinter aña. Bo tabata sa ku patia ta famia di kònkòmber? Pa ta korekto, patia no ta un fruta pero un berdura. Patia no solamente ta hopi dushi i refreskante pero tambe hopi saludabel. Patia ta konsistí pa 95 porshento di awa! Pues sigur un bon opshon pa baha bo set. Tambe patia ta riku na heru, potasio i vitamina C.

Baha preshon

Ta bon pa esnan ku tin preshon haltu kome patia. Potasio, manera nos a yega di indiká den otro artíkulonan di nos sekshon di Salú, tin un efekto positivo pa baha preshon. I esei no ta tur kos…

Patia por tin tambe e mesun efekto ku viagra. Danki na amino-ásidonan sitrulino i arginino ku ta yuda promové produkshon di óksido nitritiko ku ta yuda relahá bo kurpa. Viagra ta traha di e mesun manera.

Beta-karoteno

Banda di heru, potasio i vitamina C patia ta kontené tambe likopeno i beta-karoteno. Beta-karoteno (provitamina A) ta un anti-oksidante: e ta protehá sélulanan di bo kurpa kontra efekto di solo i otro kondishonnan ekstremo ku por afektá bo kueru. Beta-karteno ta keda transformá den bo kurpa den vitamina A, ku na su turno ta sòru pa un kueru sano i tambe ta bon pa bo kabei i wowonan.

patia

Benefisionan di