Konsumidó Alertá Volumen 11, òktober 2014 - Page 14

Kon pa usa Érko

Apple

iPhone 6 - iPhone 6+

Pone atenshon na konsumo di

energia i kontrolá e gas den e èrko tambe. Si bo no ta eksperto, yama un profeshonal pa nan bin kontrolá òf yena gas den e aparato. Ekseso di preshon, lèkashe òf otro defektonan por afektá funshonamentu i efektividat di e aparato.

Aislamentu ta e punto klave.

Kontrolá si bo porta i bentananan ta bon será ora bo tin bo èrko sendé. Esaki ta fasilitá e friamentu di e espasio i ta evitá e gastamentu di koriente.

Otro manera pa spar koriente

ta evitá ku e aparato keda sendé ora no tin niun hende den e kamber òf kas. Programá e èrko na un temperatura i ku e ora ku esaki mester stòp òf kuminsá traha bek. Ora bo ta bai drumi, hasi uso di e método di “sleep” òf “night” i asina e aparato ta paga outomátikamente despues di por ehèmpel 6 ora den funshon.

No stoba e parti pafó di e èrko.

Semper evitá tapa e entrada i salida di e airu di e kòmpresor, ya e no tin nodi di traha fòrsá.

KOMPARÁ I KUMPRA

Un èrko ta un bon manera pa kombatí kalor den e temporada aki i mantené un temperatura fresku i agradabel den bo kas. Aki ta sigui algun konseho pa yuda bo pa no gasta di mas i hasi un mihó uso di bo èrko.

Bo ta bai instalá un erko na bo kas?

Kompará ora bo ta kumpra, i wak bon kuantu potensha (BTU) bo tin mester promé ku bo kumpra pa no resultá ku e èrko no ta akapará e espasio. Bo tin e aparato kaba, un konseho ta pa bo hasi mihó uzo di esaki. Un regla di oro pa bo redusí uso di bo èrko den e temporada di mas kalor di aña ta di evitá di eksponé e espasio na lus di solo direkto durante di dia. Sera bentana- i kortinanan, asina bo kas lo keda mas fresku.

Hasi mihó uso

No pone fluho di airu friu

direktamente riba e personanan. Esaki no ta agradabel i tampoko bon pa salú di hende. E aparatonan aki normalmente ta permití sirkulashon variabel regularmente i konforme ku e distansha, tantu horizontal komo vertikalmente.

Ahustá temperatura entre

24 y 26 grado Celsius. Esei ta sufisiente pa kombatí e airu kayente sin gastunan haltu di koriente. Si bo pone e èrko na un temperatura di 5 grado mas abou ku e temperatura pafó, lo bo haña kaba e sensashon di airu fresku paden.

Apple tin dos vershon nobo di iPhone ku nan a saka iPhone 6 i iPhone 6 plus. Manera tabata di spera Apple ta bini ku un iPhone ku un pantaya mas grandi ku iPhone 5S i 5C. iPhone 6 tin un pantaya ku un grandura di 4,7 inch, i iPhone 6 plus tin un pantaya ku un grandura di 5,5 inch. Esaki ta un indikashon ku ta mustra

ku Apple a laga iPhone di 4 inch tras di lomba ounke ku iPhone 5S i 5C ta keda na benta riba merkado

Ku un sifra nobo ku ta bini sigun tradishon ku kada iPhone nobo, tambe ta bini un diseño nobo. Asina ta ku e iPhone nobo ta bini mas fini ku e modèl promé. E iPhone 6 ta 6,9 mm diki i iPhone 6 plus ta 7,1 mm. Tur dos ta mas fini ku iPhone 5S ku ta midi 7,5 mm.

Ku e iPhone nobo aki Apple tambe a sali for di e modèl huki rektangular manera esun di iPhone 5S. E rantnan a bira rònt i awor ta bai parse e modèl di e Apple iPadnan mas tantu. E rantnan parti pafó di e pantaya ta bai dobla mas parti abou, pa asina forma un totalidat ku e aluminio di parti patras.

Pantaya

E kantidat di pixel ta den tur dos modèl nobo di iPhone di skuif. E iPhone 6 tin awor aki un resolushon di 1334 pa 750 pixel. Esei ta duna ku e pantaya ta mes un skerpi ku e promé generashonnan di iPhone. E kapasidat di e pixel, ku ta determiná kon skerpi e pantaya ta, ta igual na e iPhone nan 4 te ku 5S (326 pixel pa inch). Kapasidat di e iPhone 6 plus si ta un tiki mas haltu (400 pixel pa inch), ounke ku bo mester tin masha bon wowo pa bo nota e diferensha kon skerpi e por ta. E resolushon di e pantaya di iPhone 6 plus ta 1920 pa 1080 pixel, tambe nan ta yam’é full HD. E pantaya no ta traha di e material di glas di safiro manera ta wòrdu papiá, pero e ta trahá di un glas speshal duru. Tur esakinan mester wòrdu verifiká ainda

iOS 8 adaptá na tamaño nobo

Ku un pantaya mas grandi naturalmente bo ta haña muchu mas espasio liber pa mustra mas informashon. Ta p’esei Apple a adaptá iOS 8 pa asina bo por hasi uso di dje. Esaki ta konta solamente pa iPhone 6 plus. Algun app lo bai mustra otro na momentu ku bo tene e iPhone horizontal: e lo bai mustra un tiki manera riba un iPad. Di e manera aki bo ta mira bo lista di kontakto tambe den e parti robes di e pantaya. I pa promé bes bo ta mira ku e appnan tambe ta bai drai na momentu ku bo bira bo iPhone.

Manehá ku un man

Dor ku e pantaya a bira mas grandi ta bira un tiki difísil pa manehá e iPhone aki ku un man. Pa bo yega na e kònòpi den huki ariba ta difísil pa alkansá. Pero Apple no ta Apple si e no a pensa un manera pa remediá e problema. Dor di primi dos bahia riba e kònòpi di Home e pantaya ta bini parti abou ya tur kos ta keda na bo alkanse. Úniko kos, ku na momentu ku e pantaya bini parti abou e parti ariba ta keda pretu kual no ta nechi.

Prosèsor A8 nobo

Parti paden e prosèsor a keda remplasá pa un chip A8 nobo. Sigun Apple e prosèsor ta 20% mas lihé ku e esnan promé i imáhen gráfiko di weganan lo aparesé 50% mas lihé. En realidat, kon bon e prosèsor aki ta presta nos lo sa na ora ku Consumentenbond di Hulanda hasi un revishon riba e iPhone aki pa nos por sa en bèrdat kon bon e parti aki ta funshoná. Nos lo kompartí esaki ku boso.