Konsumidó Alertá Volumen 11, òktober 2014 - Page 13

4. akshonnan ku tin komo resultado ku ta terminá

e derechi di bosnan dos pa hasi uso di e kas

kaminda bosnan dos ta biba òf e derechi di bo

kasá pa hasi uso di e kas kaminda e so ta biba òf

hasi uso di e ophetonan ku ta pertenesé na e kas

òf mobilario.

5. Opsekionan, ku eksepshon di opsekionan ku ta

normal i no ta eksesivo;

6. akuerdonan ku tin komo meta ku bo ta para

bòrg òf mara bo mes komo debedó prinsipal, òf

para fuerte pa un terser persona, òf mara bo mes

komo seguridat pa debe di un terser persona; ku

eksepshon si esaki ta sosodé den kuadro di

ehekushon normal di bo trabou òf negoshi;

7. akuerdonan di kompra kaminda bo ta paga

poko poko (koop op afbetaling), ku eksepshon di

produktonan ku lo bo usa solamente òf

primeramente den funshon di bo trabou òf

negoshi.

Kiko awor si bo a tuma akshonnan ku ta menshoná den e lista ariba menshoná sin ku bo a haña aprobashon di bo kasá?

Lei den e kaso aki ta duna bo kasá e derechi pa kibra e akshon ku konsekuensianan hurídiko aki. Ta bo kasá so por hasi esaki; niun otro hende no tin e derechi den e kaso aki. Sinembargo e no por kibra e akshon hurídiko aki si e otro partido tabata di buena fe; pues no mester a ferwagt ku abo no tabatin su outorisashon. Bo kasá ku a apelá riba su derechi pa kibra e akshon hurídiko pa motibu ku e ta riba e lista di artíkulo 1:88 insiso 1 di nos Kódigo Sivil, ademas di por kibra e akshon hurídiko aki tambe por hasi un apelashon riba tur otro claim ku ta haña nan orígen den su akshon.

Ban wak awor kon nos ehèmpel ariba di e persona ku a kumpra un sèt di sala pagando pokopoko, sin outorisashon di su kasa, ta funshoná den práktika. Ban bisa ku e persona tabata un señora i el a kumpra e produkto pa paga poko poko sin outorisashon di su esposo.

Manera nos por mira, e señora den e kaso aki tabatin mester tin aprobashon di su kasá pa hasi e kompra di e sèt di sala komo ku ta un akuerdo di kompra pa paga poko poko. Ban bisa ku e negoshante tabata sa ku e señora ta kasá paso e ta un amigu di kasá di e señora. For di kombersashon ku e señora e por a saka afó ku e señora no tin outorisashon di su kasá. E señora a yega kas i su esposo ta furioso ku el a kumpra e sèt di sala nobo miéntras ku un luna promé nan a kumpra un sèt di sala kaba. E kasá ta hasi un apelashon riba su derechi pa kibra e akuerdo di fiansa aki pa motibu ku su señora no tabatin su outorisashon. E ta manda un karta pa e negoshante indikando ku niun ora so e no a duna su kasá outorisashon pa kumpra e sèt di sala pa paga poko poko i ku e ta bin trese e sèt di sala bèk. Komo ku el a kibra e akuerdo ei e ta eksigí mesora tambe e sèn ku su kasá a paga pa e sèt di sala bèk. I asina ta sosodé tambe!

Pues otro biaha ku bo tin pensa di tuma un akshon hurídiko riba e lista ariba menshoná, kòrda ku pa lei bo mester di outorisashon di bo kasá. Si bo no ke problema, pidié su aprobashon!