Konsumidó Alertá Volumen 11, òktober 2014 - Page 12

DERECHI I DEBER

Imaginá bo:

Bo ta kasá. Un dia bo a sali bai keiru i na kaminda bo a wak ku un negoshi tin baratio.Sobadje tin grandi grandi skibí: “Te ku 70% di deskuento riba tur nos produktonan!”. Bo no ta pèrdè pa gana. Bo a drenta e negoshi i wak un sèt di sala masha bunita mes. E sèt di sala tabata kosta fl. 1000,- pero komo e lugá tin un baratio, si bo kumpré riba e dia ei, bo ta hañe pa solamente fl. 700,-. Sinembargo bo no tin e sèn huntu ku bo. E doño di e negoshi ta duna bo e opshon pa paga 10 luna largu fl. 100,-. Bo por hasi bo promé pago di fl. 100,- e dia ei mes i bai kas mesora ku bo sèt di sala nobo nobo. Pa e siguiente 9 lunanan bo ta sigui paga tur luna fl. 100,- pa asina kompletá e montante ku e stul ta kosta. Bo kasá ta na kas i no sa di nèt nèt nada! Bo por kumpra e sèt di sala sin su aprobashon?

Aprobashon di kasÁ

pa sierto akshonnan hurídiko

Lei ta indiká den Buki 1 di nos Kódigo Sivil ku pa sierto akshonnan ku tin konsekuensianan hurídiko (rechtshandelingen) un persona kasá mester di aprobashon di su kasá. Sí, bo a tende bon, pa sierto kosnan bo mester di bo kasá su aprobashon! Anto esaki no ta konta solamente pa e parehanan ku a kasa ku komunidat di vienes (binnen gemeenschap van goederen), pero tambe pa esunnan ku no a kasa ku komunidat di vienes (buiten gemeenschap van goederen). Pues esaki ta konta pa tur pareha kasá.

Segun artíkulo 1:88 a di nos Kódigo Sivil, bo mester di bo kasá su aprobashon pa e siguiente akshonnan hurídiko:

1. akuerdonan ku tin komo meta pa bende e kas

kaminda bosnan dos ta biba òf e kas kaminda e

so ta biba òf pa bende ophetonan ku ta

pèrtenesé na e kas òf e mobilario;

2. akuerdonan ku tin komo meta pa pone un

derechi ku ta pisa, manera derechinan pa

seguridat por ehèmpel hipotek òf pant, riba e kas

kaminda bosnan dos ta biba òf e kas kaminda e

so ta biba òf riba ophetonan ku ta pertenesé na e

kas òf e mobilario;

3. akuerdonan ku tin komo meta pa duna na un

otro e derechi pa hasi uso di e kas kaminda

bosnan dos ta biba òf e kas kaminda e so ta biba

òf pa hasi uso di ophetonan ku ta pertenesé na e

kas òf e mobilario;