Konsumidó Alertá Volumen 11, òktober 2014 - Page 11

E proseso di trabou di Komishon di Hür ta bai segun un prosedura fiho.

1.Partidonan mester hasi e kaso por eskrito.

Partidonan mester entrega un petishon por eskrito i si tur kos ta korekto, ta kuminsá ku tratamentu di e kaso. Por ta bien posibel ku Komishon di Hür por laga un òf mas miembro investigá e kaso promé ku e wòrdu tratá i promé ku nan tuma un desishon.

2. Tratamentu di e kaso

Durante di e tratamentu di e kaso, partidonan por laga un persona outorisá atendé e kaso pa nan. E kaso ta wòrdu tratá ora tur tres miembronan di e komishon ta presente. Komishon di Hür tin e outoridat, pa durante òf na final di e oudiensha skucha testigunan òf ekspertonan. E personanan aki ta obligá na aparesé i duna e informashon deseá. Testigunan ku wòrdu tresé dor di un dje partidonan i ku boluntariamente aparesé dilanti di e komishon di hür, tambe por ser skuchá i òf ser interogá.

3. Votashon i Konseho

Den tur kaso presidente di komishon ta tene su ròndu di pregunta na e miembronan di e komishon, kuminsando ku e miembro di mas yòn. Na final ta disidí konforme desishon di mayoria. Presidente ta duna su konseho komo último. Kada miembro mester duna un konseho. Na final ta disidí pa voto mayoritario.

4. Desishon final

Presidente di e komishon ta disidí na final di e tratamentu ki dia lo duna e veredikto final. E veredikto ta wòrdu entregá pa medio di un karta firmá, na partidonan. E desishon final na promé instante, ta unu definitivo na kua ámbos partido mester tene nan mes.

5. Opheshon

Si akaso un di e partidonan no ta di akuerdo ku e desishon final, e tin 6 siman pa entrega un petishon di apelashon na Korte.

Pa mas informashon over di trabounan di Komishon di Hür por tuma kontakto ku ofisina di Komishon di Hür na e number di telefon 462-3861.

Un kontribushon di:

Komishon di hÜr

Promé di yanüari 2012 Landsverordering di hür (PB 2012,68) a drenta na vigor. Ku esaki a modernisá i adaptá leinan ku ta for di aña 1939 den kua areglonan di komishon di hür” a keda introdusí. E lei di hür renobá ta bin bek den artíkulonan 7:201 te ku 7:275 di BW. Den e areglo nobo tin sierto kondishonnan ku a wòrdu kitá òf ahustá i otro kondishonnan a keda hinká den un bachi nobo. Un ehèmpel di esaki ta reglanan ku Komishon di Hür ta uza pa stipulá preis di hür”. Si ántes gastunan di konstrukshon di e kas tabata base pa kalkulá e preis di hür, den e lei nobo e balor di benta riba merkado aktual di e kas ta base di e kalkulashon.