Sandra: Tużawhom ħafna ċ-ċopstiks?
Liling: Iva, imma fl-Asja l-frieket huma xorta validi. Issa tista’ tgħidli fuq xi
ikel Malti għax l-aħħar sentejn ma tantx ħadt minnu.
Sandra: Aħna għandna pastizzi f’forma ta’ djamanti mimlijin bl-irkotta jew bil-piżelli. Għandna
żebbuġ mimli b’taħlita ta’ tonn u bigilla li hija dipp Maltija tajba mal-galletti. Jien jogħġbuni lbraġjoli, l-istuffat u z-zalzett Malti.
Liling: Hemm xi ħelu li huwa tajjeb ħafna?
Sandra: Nirrakkommanda li tipprova l-qagħaq tal-ħmira, l-imqaret, il-kannoli tar-rikotta u
meta tkun qiegħda l-karnival, il-prinjolata u l-perlini.
Liling: Naħseb li hemm ħafna kulturi li għamlu affarijiet simili bħal tagħna. It-Taljani vvintaw
l-ispagetti meta aħna vvintajna n-”noodles” u l-Ingliżi ħadu l-idea tat-te lura magħhom lIngilterra.
Sandra: Naħseb għandek raġun. Iċ-Ċiniżi kif jagħmlu n-”noodles”?
Liling: Tradizzjonalment iċ-Ċiniżi jagħmlu n-”noodles” friski
bil-metodu tal-”Hand Pulling”. Il-”Hand-Pulled Noodles”
jissejħu Lamian. Il-Lamian jiġi magħmul billi ddawwar,
iġġebbed u titwi l-għaġina bil-piż tagħha. Fil-fatt jekk
idduq in-”noodles” tal-fabbrika u n-”noodles” li
tagħmilhom bl-idejn, issib id-differenza fit-togħma
għax dawk li tagħmilhom bl-dejn huma iktar friski.
Sandra: Kif tiċċelebraw il-bidu tas-sena fiċ-Ċina? Aħna ningħaqdu bħala familja u nieklu
flimkien.
Liling: Aħna niċċelebraw kollox aħmar u ommi tagħtini flus kull sena. Aħna l-bidu tas-sena
nsejħulu l-festival tar-rebbiegħa. Hemm leġġenda li tgħid li kull sena, dragun jismu Nian (li
tfisser sena), kien jitterrorizza n-nies tal-villaġġ.Darba huma skoprew li meta jiddekoraw ilvillaġġ bil-kulur aħmar id-dragun ma jattakkax u għalhekk sa din il-ġurnata ċ-Ċiniżi jagħtu
importanza kbira lill-kulur aħmar.
Sandra : Jien l-iktar festa li togħġobni hi l-festa ta’ San Martin għax kull sena nirċievi borża
bit-tin, lewż, ġewż, rummien u l-ħobża ta’ San Martin.
Liling: (daqqet il-qanpiena) Issa nkomplu nitkellmu xħin nistennew għall-karozza tal-linja. Ejja
mmorru għal-lezzjoni tal-Matematika għax inkella l-għalliema tarma tgħajjat magħna.
Sandra: Veru, aħjar immorru.
Thea Bartolo