Vaganza
In-Natura
Issib ruħek ġewwa post
miżgħud bis-siġar qisu bosk.
Qrib ir-Rabat ftit ‘il ġewwa
il-Buskett biex tifhmuni sewwa.
Tara siġar kbar u żgħar
bosta għasafar mal-madwar
jgħannu fil-beraħ ferħanin
ifittxu l-ikel għall-frieħ tagħhom ċkejknin.
Fjuri mdakkra minn bosta friefet
b'ħeġġa kbira n-nemel għall-ikel jissielet.
Żarżir il-grillu jinstema’ fid-dlam
waqt li jkun moħbi fix-xitel tat-tadam.
Arja friska ma’ kullimkien
aħna t-tfal niġru flimkien
xemx u xita xorta mmorru
kpiepel u ġkieket magħna nġorru.
Ejjew nibżgħu għall-ambjent naturali
jekk le, ikollna diżastru totali.
Fil-futur għad infittxuh
u min jaf nerġgħux insibuh.
Shanise Cachia
Ix-Xemx
Fejn hi x-xemx, nann?
Dik li meta kont żgħira,
kont tmur tiġri u tilgħab ġewwa xi għalqa
sabiex taqbadha.
Kont tmur tgħum fil-baħar blu kristall,
fil-bajja sabiħa tal-Mellieħa,
sabiex tieħu gost tinxtewa taħtha.
Illum il-ġurnata nann,
ma tistax taraha.
Għajnejk m’għadhomx tajbin.
Iżda nann, hemm jien ħdejk,
sabiex niddiskrivilek is-sbuħija tagħha.
Tibżax nann, aqbadli jdejja,
sabiex immorru naqbduha flimkien.
Rianne Azzopardi
Iva, veru morna vaganza,
fil-belt tal-imħabba wasalna,
blu, abjad u aħmar,
laqgħuna fl-ajruport mal-wasla tagħna.
Għal ġol-lukanda ġrejna,
xi ġmiel, kemm hi lussuża,
tennejna lkoll flimkien,
mhux ta’ b’xejn hi famuża.
L-għada fil-park morna,
kemm hu kbir u sabiħ,
kemm ġrejt u lgħabt ma’ Lorna,
sewwa jgħidu hemmhekk dinja oħra.
Xi dwejjaq għaddiet il-ġimgħa,
qas rajtha għaddejja,
kemm ħadt gost,
Malta erġajt ġejja.
Hayley Chircop
Wied il-Għasel
Wied il-Għasel
fil-qalba tal-gżira
il-kulur ħadrani
jisboq kullimkien.
Fil-qalba tal-wied
li jaqsmu fi tnejn
l-ilma jgelgel minnufih
wara ħalba xita settembrina.
Ġewwa dal-wied,
il-qalb tistrieħ
bis-sbuħija naturali
is-siġar, il-fjuriet.
Għall-għasel imsemmi
dal-wied hekk sabiħ
għaliex hemm ġo fih
idakkru n-naħliet.
Wied il-Għasel
fil-qalba tal-gżira,
fil-qalb tal-Maltin
nistgħu nsibu dal-wied.
Kirsty Mifsud