ALGEMEEN
Geloof,
Hoop
en
Liefde
Boodskap
van die BD
Mede-Hinterlander,
D
Tye van verandering.
it is met 'n goeie rede dat daar algemeen gesê word dat veran-
dering 'n konstante gebeurtenis is. Wie sou 'n tyd terug met
sekerheid kon sê dat ons land 'n nuwe president sou hê, dat die
wisselkoers sou wees wat dit nou is en daar hoop is vir 'n verandering
in die politieke bestel in ons land? Verandering, hetsy gedwonge of uit
eie wil, is 'n realiteit. 'n Werklikheid wat ons as mens nie kan vermy of
voorkom nie. Verandering gaan dikwels gepaard met onsekerheid, wan-
troue en twyfel. Dit lei daartoe dat verandering liefs vermy word, selfs
teengestaan word en nie maklik aanvaar word nie.
Uit 'n besigheidsperspektief is die vraag; waarom die veranderinge in
Hinterland? Verandering is nodig om verskeie redes: om aan te pas by
veranderde omstandighede, om te verbeter, te vernuwe, relevant te bly
vir ons klante, waarde toe te voeg tot ons aandeelhouers en laaste maar
nie die minste nie, om werksekuriteit vir almal werksaam by Hinterland
te verseker. Geen groei kan plaasvind sonder verandering nie. In die
besigheidswêreld is daar talle voorbeelde van besighede wat nie aange-
pas het by veranderde omstandighede nie en gevolglik vandag nie meer
bestaan nie!
Hinterland is tans in so 'n fase van verandering. Die uitkoms van dié ver-
andering sal bepaal word deur die gesindheid waarmee elkeen van ons
dié verandering gaan benader en hoe ons daarop gaan reageer. Ek glo
dat dié verandering presies die redes vir verandering soos reeds
genoem, aanspreek en vertrou dat onselfsugtige besluite deur elke
rolspeler geneem sal word in belang van ons besigheid en tot voordeel
van elkeen werksaam by Hinterland. Alhoewel ek besef dat die veran-
dering sonder twyfel nie maklik gaan wees nie, versoek ek egter dat die
verandering deur u elkeen ondersteun sal word, dat u die verandering
met 'n positiewe gesindheid sal benader sodat u ook deel kan wees van
Hinterland se uiteindelike verhaal.
Sterkte en voorspoed met u taak en die nuwe uitdagings.
Hinterland groete.
Daan
Matt 5:13
Paulus sluit die bekende 1 Korintiërs 13 af met: “……
geloof, hoop en liefde bly, hierdie drie. En die
grootste hiervan is die liefde!
As ons om ons kyk, wonder ons hoeveel mense leef
werklik met hierdie geloof? Leef ‘n onwrikbare geloof
wat gevestig is in hoop in God as die bron van hul
geloof, want ons sien weinig van hierdie hoop of liefde
in hul lewens. Ons sien veral nie liefde vir mekaar wat
maak dat ons mekaar met menswaardigheid en weder-
sydse respek hanteer en ruimte laat vir mekaar nie.
Die lewe het ‘n wrede wedloop geword. ‘n Wedloop
waarin elkeen veg vir sy eie belang, sy eie voortbe-
staan en selfverryking, meestal ten koste van ander! As
jy nie iets vir my kan beteken nie, moet jy liewers uit
my pad bly! Tekens van dié geloof waarin ons beweer
ons glo; ‘n onwrikbare geloof waar ons ‘n leë hand
met vertroue na God uitsteek en in Hom die lig van
hoop en liefde vind waarmee ons die eise van die lewe
oorkom, is daar weinig sprake! Van wat nog daarvan
om hierdie hoop en liefde wat ons in Hom vind, met
die wêreld te deel!
Ware gelowiges het juis vanweë hul geloof in God nog
hoop, ongeag! Hoop in God is soos die son; as jy in
Sy rigting kyk, gooi Hy die skadu’s van jou probleme
agter jou! Jou hoop in Hom gee ‘n lig wat wys; Hy is
groter as enige probleem of uitdaging wat jou in die
gesig staar. Gelowiges kan juis vanweë hul geloof in
God, die opdraandes van die lewe oorwin, want in ons
geloof vind ons trappe wat gebou is op God se liefde.
As ons daarop klim sien ons ‘n toekoms wat ander nie
sien nie, want ons vind ‘n venster waardeur ons verby
ons probleme kan kyk en God raaksien. Dan verstaan
ons; liefde wat ons in Hom vind is nie blind soos die
spreekwoord sê nie, liefde sien ook nie minder nie,
néé; juis omdat liefde méér sien, help dit ons om ons
hoop in God gevestig te hou!
Die Bybel noem die drie-enige God wat ons as gelo-
wiges aanbid, die bron van lewe, van hoop, van vrede
en van krag, blydskap, vreugde, standvastigheid, be-
moediging, ewige saligheid en van lewende water!
Het jy enigiets méér as God nodig?
REDAKSIE: REDAKTEUR: Marlon Abrahams Tel: 018 464 7349 | [email protected] ONTWERP EN UITLEG: Pieter Swanepoel | [email protected]
2
Herontdek dÍt wat saakmaak