ALGEMEEN
Boodskap
Die
Bybel
van die BD
Geagte Hinterlander,
Matt 5:13
E
k begin graag met die volgende aanhaling van Jack Welch: “If the
rate of change on the outside exceeds the rate of change on the
inside, the end is near”.
Hoe maklik sê ons nie dat die enigste konstante in die tyd wat ons leef,
verandering is nie, sonder om verder ondersoek in te stel na die impak
van die verandering, die gepaardgaande uitdagings daarvan te deur-
dink en ons strategie te hersien sodat ons steeds die gestelde doelwitte
behaal.
Verandering moet nie gesien word as 'n struikelblok nie - verandering is
die pad na sukses! Om 'n relevante rolspeler in die landbousektor te wees
en te bly, is inherente verandering nodig om volhoubaar oor die lang
termyn te wees.
Hier is 'n paar riglyne wat jy kan toepas om sukses te behaal, ten spyte
van jou veranderde omstandighede:
• Begin deur die verandering te sien as 'n uitdaging en nie as ‘n struikel-
blok wat nie oorkom kan word nie.
• Dit is belangrik om verandering met kreatiwiteit en optimisme te bena-
der, om oplossings te soek in die ongewone en onbekende en dit aan te
pak met soveel as moontlik feite en so min as moontlik aannames.
• Pak die situasie met vertroue aan. Glo in jou en jou span se vermoë om
die uitdagings uit te presteer.
• Wees eerlik oor jou eie en oor elkeen in die span se vermoë en beper-
kings wanneer die plan of strategie saamgestel word en belyn die plan
daarmee.
• Soek na geleenthede om erkenning te gee, terwyl vordering met die
deurvoering van die plan soos ooreengekom, konstant gemonitor en
afwykings aangespreek word.
• Wees bereid om kritiek te ontvang, ondersoek geleenthede om te ver-
beter, leer uit jou ervarings en moet nie huiwer om van die mense om
jou en in jou omgewing te leer ken nie.
Ek sluit weer af met die versoek dat ons positiwiteit moet behou en moet
aanhou om 'n boodskap van hoop uit te dra. Kom ons bly gefokus op
dit wat waarde toevoeg en dit wat werklik saak maak. Laastens, maar
beslis nie die minste nie, moet ons aanhou om dit wat ons doen, met
volle oorgawe te doen, toegewy aan en in afhanklikheid van ons Skepper,
in die wete dat alles wat ons het en alles wat ons ontvang, alleen uit Sy
genade is.
Hinterland groete
Daan
‘n Lig vir my pad.
Ek het onlangs ‘n GPS met ‘n lekker groot skerm en al
die nuutste kaarte daarop as geskenk gekry. Maar ek het
‘n Shell pad-atlas wat ek al jare gebruik en nogals goed
mee regkom om my weg mee te vind! Nou gebruik ek
die GPS as ’n papiergewiggie tuis op my lessenaar, wat
alewig deurmekaar is. Veral as die venster oop is, waai die
papiere oral rond. Gelukkig help die GPS dat dit nie meer
gebeur nie!
Ook maar lekker stupid, dink jy by jouself! Ja, ek
weet, dis sommer ‘n storie, maar net so “dom” as wat dit
mag klink, is dit hoe baie mense hul Bybels gebruik! Niks
meer as ‘n papiergewig wat iewers rondlê, of iewers lê en
stof vergaar nie!
Maar wag, kom ek vertel jou van die Bybel!
Die Bybel is dié topverkoper boek wat in meer as 1 000
tale vertaal is. Dis met goeie rede die topverkoper, want
dis vol noodsaaklike inligting vir ‘n suksesvolle en sinvolle
lewe! Die Bybel is deur God self geïnspireer, dit leer ons
oor die waarheid en wys die regte koers vir die lewe aan.
Dit leer ons wat die “regte” dinge is om te doen en hoe
om dit wat verkeerd is, reg te stel. Dit help ons ook om
die “regte” manier van leef aan te leer, sodat ons volkome
voorbereid en toegerus sal wees vir enige uitdagings wat
die lewe ons bied.
Wat sê die Bybel, oor die Bybel?
Dit is volmaak en gee lewe. Dit is betroubaar en leer ons
hoe om wysheid te verkry. Dit is helder, gee insig en is
kosbaarder as goud! Die Outeur beloof dat dit met ons
goed sal gaan as ons daarvolgens leef, die riglyne daarin
gehoorsaam en met ons hele hart Sy wil uitvoer. Die Bybel
is ‘n lamp wat ons die weg wys en ‘n lig op ons pad. As
jy die Bybel die rigsnoer maak van alles wat jy sê en dit
gereeld oordink, sal jy voorspoedig wees en slaag in wat
jy doen.
Die beste van alles
In die Bybel vind jy God se storie vir jou lewe, meer nog:
Daarin kom klop Hy self saggies op jou skouer, wys jou
na ‘n Verlosser aan ‘n kruis, en sê: “Daar is my Seun, Hy
het dit vir jou gedoen! Hy is die weg, die waarheid
en die lewe, in Hom, ontdek jy wat dit is om waarlik
te lewe!”
My Bybel - ‘n papiergewig wat lê en stof vergaar?
Néé – dit is my onmisbare lewensreisgids!
REDAKSIE: REDAKTEUR: Kefiloe Manthata Tel: 018 464 7875 | [email protected] ONTWERP EN UITLEG: Pieter Swanepoel | [email protected]
2
Herontdek dÍt wat saakmaak