SAN MIGELEKO ERROMERIA
XIX. mendearen erdialdean, oso ospetsua zen San Migeleko erromeria.
Garai hartako idazle batek esan zuen Bilbo hutsik geratzen zela, mundo
guztia San Migeleko erromeriara etortzen zelako.
Normalean, trenez joaten zen jendea. Izan ere, 1863tik aurrera, Tutera-
Bilbao trena pasatzen zen San Migeletik, eta, erromeria egunean, tren
bereziak jartzen zituzten, jende mordoa eramateko.
Gauza bitxia gertatu zen 1873an: Karlistaldian, ezin izan zuten erromeria
Elexalden egin, oso arriskutsua zelako; Bilboko Areatzan egin behar izan
zuten, eta jende asko joan omen zen, Basauritik ere bai. Nahiz eta gerra
izan, ondo pasatzeko gogoa zeukaten!