HARRASKA
Erraza da gaur egun arropa garbitzea, etxe guztietan garbigailuak
baitauzkagu. Baina, aspaldi, etxeek ez zeukaten urik, eta iturrietara joan
behar izaten zuten ur bila eta arropa garbitzera.
Hartara, garbileku edo harrasketara joaten ziren emakumeak familiaren
arropa, edo, diruaren truke, beste batzuen arropa garbitzera. Lan
gogorra egiten zuten, baina, aldi berean, solasean aritzeko aukera izaten
zuten.
Basaurik lau garbileku zituen: bi, San Migelen, beste bat Kaleron eta
beste bat udaletxean.
Hernán Cortés auzuneko umeek hauxe kantatzen zuten: «San Miguel
tiene tres cosas que no tiene el mundo entero. Tiene parque, estatua y la
campa del lavadero». Ondo pasatzen zuten, ezta?
Dena dela, aurreko mendeko 70eko hamarkadan desagertu egin ziren
garbilekuak: jada ez ziren beharrezkoak, ez zituzten erabiltzen. Pinceles
parkean iturri eta plaka bat utzi dituzte oroigarri gisa; hantxe azaltzen
dute zer ziren eta zertarako erabiltzen zituzten garbilekuek. Ikusi al
dituzu?