"LAS CASAS BARATAS"
Bai izen bitxia, ezta?
XX. mende hasieran langileentzako «etxe merke» asko eraiki zituzten.
Basaurin, San Migelen egin zituzten. 1924an lehenengo harria ipini zuten
eta harekin batera garai hartako egunkari batzuk eta txanponak sartu
zituzten. Hori bai hori, denboran bidaiatzea!
1925eko Gabon egunean inauguratu zituzten. Ospatzeko, erromeria eta
guzti egin zuten!
Familia bakarreko 32 etxe egin zituzten, Elexalde kooperatibako
bazkideentzat. Kooperatiba hura «La Baskonia» eta «Papelera
Española»ko langilez osatua zegoen. Ahalegin handia egin behar izan
zuten euren etxebizitza lortzeko: garaiko 2.000 pezeta ordaindu behar
izan zuten (harrigarria! Gaur egun, 12,02 euro baino ez dira!), eta,
gainera, etxeak eraikitzen ere lan egin behar izan zuten.
Jose Taramonak, Sofia Taramonaren aitak (eskolari izena ematen
dionaren aitak, hain zuzen ere), etxe aurreko lursailak alokatu zizkien
kooperatibakoei diru gutxiren truke, ortuak ipintzeko.