SIT JOU SOMER-ENERGIE AAN:
VERMAAK IN VARS VOLKLEUR EN.
MET PROPVOL NATUURLIKE SMAAK.
SOMER-IN-VOLKLEUR VRUGTEMOES
GESKEP MET DIE INSETTE VAN MELANIE
RODGERS, CHEF BY SWEET AND SAVOURY
SYMPHONY EN DIE PEACH PIP FARMSTALL.
Nooi Moeder Natuur ’n bietjie nader dié Somer, met ’n kleurspel
van vars vrugte, en room, omskep in ’n verruklike nagereg. Ons
Volkleur VrugteMoes is ’n fees vir die sintuie én propvol natuurlike
voedingswaarde, om jou immuniteit ’veelvoudige’ skop te gee.
BESTANDDELE
6 perskes (of 12 appelkose)
5 pere & ’n 1/2 koppie vars mintblare
400g bloubessies (of 12 pruime)
30 aarbeie (± 350g)
Suurlemoensap
145 ml x 4 vars room (of dubbelroom joghurt)
4 x pakkies jellie (deursigtig, of in ’n geskikte kleur om elke vrug te
pas > byv. lemoen, appel, druiwe, aarbei)
Gebruik deursigtige gelatien vir ’n suikervrye weergawe.
Versiering: 80ml room, vrugte, heuning en kaneel.
AANWYSINGS
Versap elk van die vrugte om ’n dik puree te vorm. Sprinkel met
suurlemoensap. Plaas in 4 glashouers in die koelkas. Hou ’n bietjie
vrugte terug vir garnering. > Maak die eerste pakkie (oranje) jellie
met 145ml kookwater aan, klits, laat afkoel en meng dan met die
perskepuree. Plaas die mengsel in die yskas en verkoel totdat dik,
maar nie heeltemal gestol nie. > Verdeel die room en klits 145ml
totdat dit vorm begin behou, en vou dan versigtig by die perske-en-
jellie-mengsel, meng deeglik en verkoel. > Herhaal die proses met
elk van die 3 ander vrugte. Gooi laag vir laag oor in ’n gepaste skottel
en laat stol. > Rond af met vrugte, room, heuning, ’n sprinkel kaneel
- en jou eie unieke ontwerp.
TIPS
Die resep is ideaal om kinders ’n kans in die kombuis te gee en aan
die fasinerende wêreld van vrugte - en gesonde voeding - bekend
te stel. Om in prettige en gesonde yslollies te omskep, gebruik
dubbelroom joghurt, giet in bio-vriendelike papierkoppies en stol
in die vrieskas .
Die vars bestanddele in hierdie resep, en vele meer,
word met trots in die Wes-Kaap verbou - deur
produsente wat jou gesondheid op die hart dra.