NUUS | BROKKIES
Mielies, koring en sojabone breek rekords
Suid-Afrika se top graanprodusente is in September by die sesde jaarlikse Groei vir Goud-toekennings in Johannesburg vereer vir uitsonderlike opbrengste, innovasie en bydrae tot voedselsekerheid.
Die 2025-kompetisie het geskiedenis gemaak met nuwe nasionale rekords in al drie hoofkategorieë – mielies, koring en sojabone – wat produsente se aanpasbaarheid en kundigheid beklemtoon, selfs te midde van klimaatsuitdagings.
• Koring: Rekordopbrengste in beide Noordelike en Suidelike Besproeiingskategorieë.
• Mielies: Nuwe rekords in al ses streekkategorieë.
• Sojabone: Drie nuwe rekords oor verskeie produksiegebiede.
Volgens Corné Louw van Graan SA was die sukses te danke aan goeie reënval in die tweede helfte van die seisoen, beter grondgesondheidsbestuur en die gebruik van verbeterde genetika.“ Hierdie toekennings is meer as net syfers op’ n blad. Dit weerspieël produsente se vasberadenheid en die wetenskap agter kultivarontwikkeling.”
24 GROND TOT MOND OKT | NOV 2025