KLINK ’N GLASIE OP JOU GESONDHEID
EN OP ALS WAT PURE PLAASLIK EN
PROPVOL IN-SEISOEN WOEMA IS.
IN-SEISOEN SITRUS, ROOIBOS & MINT ‘SMOOTHIE’
’N OORSPRONKLIKE RESEP GESKEP DEUR
SALOME BENADE, VAN CITRUSDAL
EIENAAR & CHEF BY THE LOVELY GRAPEVINE
Ons ‘Citrusdal Smoothie’ is lipafleklekker, maklik om te maak en
spog met ’n kombinasie van net die beste uit Moeder Natuur se tuin.
Te danke aan In-Seisoen Sitrus, Bobaas Rooibos en ’n super dosis
‘organiese’ Vitamien C, verrig dit wondere om jou immuniteit ekstra
skop te gee in die kouer maande. ’n Paar glasies ’n week is inderdaad
die beste medisyne om verkoues en griep natuurlik, en effektief, hok
te slaan. Gesondheid!
BESTANDDELE
In-Seisoen Sitrus vir 400ml Sap
(4 Clementines & 2 Lemoene)
45 ml Rooibos (Espresso)
2 Ysblokkies
1 teelepel Gemmer (gerasper)
4 cm Suurlemoenskil
6 Mintblare
AANWYSINGS
•
•
•
•
•
•
•
Maak ’n Rooibos Espresso of ’n koppie baie sterk Rooibostee en
laat dit afkoel.
Gebruik jou keuse van plaaslike In-Seisoen Sitrus.
5 groot Clementines en 2 groot Lemoene maak genoeg sap vir
4 glase en/of ’n bekervol.
Was, skil af en kap Sitrus in stukkies op.
Rasper die vars Gemmer en Suurlemoenskil en kap Mintblare op.
Plaas jou In-Seisoen Sitrus in ’n Versapper, of Smoothie-Maker.
Meng bestanddele goed - voeg die Rooibos Espresso, die
ysblokkies, die vars Gemmer en Suurlemoenskil en Mint, een vir
een by die versapte Sitrus.
Versap een rou Beet en voeg by vir ’n ekstra Vitamien hupstoot
en ’n besonder verfrissende kleur.
TIPS VIR SMOOTHIES
Voeg plaaslike rou heuning by vir ’n bietjie gesonde (en natuurlike,
anti-bakteriese, antiseptiese) soetheid.
Belê in ’n herbruikbare strooitjie soos hierdie - byvoorbeeld uit glas
of bamboes gemaak.
Die vars bestanddele in hierdie resep, en vele meer,
word met trots in die Wes-Kaap verbou - deur
produsente wat jou gesondheid op die hart dra.