VOORUITSIG
KLIMAATVOORUITSIGTE VANAF
MAART 2016
Met die verloop van die 2015/16 seisoen kyk ons met groot afwagting vooruit
op wat die nuwe seisoen vir ons gaan inhou. Die 2015/16 seisoen is ’n moelike
droë seisoen vir die westelike mielieproduserende gedeelte van Suid-Afrika,
met baie wisselvallige neerslae wat nie altyd op die regte tye gekom het nie.
D
ie vooruitsig is dat die El Niño
toestande verder sal verswak na
’n meer ENSO-neutrale toestand
wat vir ons ’n beter seisoen in die
vooruitsig sal stel. In Grafiek 1 word die waarskynlike ordegrootte van die voorkoms van die La Niña,
El Niño en Neutrale toestande aangedui vanaf
Februarie tot Oktober 2016.
Die vooruitsigte vir die 2016/17 seisoen blyk beter
daar uit te sien. Die moontlikheid van ENSOneutrale toestande neem geleidelik toe met ’n
draaipunt rondom Julie 2016, wat ‘n afnametendens
toon as gevolg van die waarskynlikheidstoename
van La Niña toestande wat verhoog na November
toe. Die La Niña toestande het gewoonlik vir
ons die vooruitsig dat daar natter as normale
toestande sal wees gedurende die heersende La
Niña toestande. Die meeste grondprofiele is redelik
droog hierdie seisoen en die vooruitsig van natter
as normale, La Niña toestande sal verwelkom
word. Die uiters hoë temperatuurafwyking wat
voorgekom het sal normaliseer tot nader aan
normale temperature met die vooruitsig dat dit
selfs kan draai na koeler as normaal. Deeglike
beplanning rondom plantdatums moet oorweeg
word met die moontlikheid dat hitte-eenhede in
die nuwe seisoen laer as normaal kan wees.
Samevatting
Die vooruitsigte is dat daar normale tot natter as
normale toestande verwag kan word vir die winter
en die lente van 2016 in die westelike en oostelike
mielieproduserende gedeeltes van Suid-Afrika. Die
verwagte temperature wyk nie baie van normaal af
nie en dit is goeie nuus vir produsente.
Grafiek 1: Grafiese vergelyking van ENSO 3.4 sone toestande Maart 2016
Saamgestel deur: Esmond Coen (Bemarking/Produkbestuurder). Grasland Ondernemings – Verskaffers van lanbou- en voerkalk.
Met erkenning aan die Wêreld Meteorologiese Organisasie, GFCSA en WNNR
6
Graslander Maart 2016