87
Ġieħ ixXewkija
2014
Michaelangelo Camilleri
Imwieled ir-Rabat Għawdex nhar l-24 ta’ Mejju 1955. Bin il-mejtin Wenzu Camilleri, mixXewkija u Ferdinanda li kienet mir-Rabat. M’Angelo, ħa l-edukazzjoni tiegħu, l-ewwel
fl-iskola primarja ta’ Kerċem u wara, fis-seminarju minuri ta’ Għawdex. Meta spiċċa milliskola daħal mal-Korp tal-Pijunieri u wara sar spettur agrikolu. Fil-preżent, huwa Senior
Foreman Agrikolu.
Huwa miżżewweġ lil Josephine u għandhom żewġt itfal: Josef u Omar. M’Angelo ħareġ
idoqq l-ewfonju għall-ewwel darba, mal-banda Prekursur f’lejlet il-Milied tal-1970. Kalanġ,
kif inhu magħruf, huwa membru attiv fil-Leġjun ta’ Marija fix-Xewkija u assistent teżorier
tal-Għaqda Agrikola, Industriali u Kulturali Għawdxija. Huwa attiv ħafna f’din l-għaqda fejn
jittellgħu tliet wirjiet matul is-sena. Il-wirja tar-Rebbiegħa, wirja kbira li ssir nhar Santa
Marija, u wirja oħra fi żmien il-Milied.
Ta’ 14-il -sena, beda jitgħallem il-mużika taħt is-surmast Ġużeppi Farrugia, li kien surmast
tal-Banda Prekursur. Huwa bandist regolari tas-Soċjetà Filarmonika Prekursur, kif ukoll idoqq
ma’ diversi baned oħra, fosthom mal-banda Leone, u mal-banda La Stella, tal-Belt Vittorja.
Huwa daqq taħt diversi surmastrijiet, bħal Ġużeppi Farrugia, Joseph Sammut, Anton
Bonnici, Colin Attard, Joseph Galea, Andrew Coleiro, Archibald Mizzi, Anthony Borg, Joseph
Vella, Sunny Galea, Joseph Camilleri, Michelle Refalo u Josef Debrincat. Huwa okkupa diversi
karigi fil-kumitat tas-Socjetaà Filarmonika Prekursur, fosthom delegat tal-bandisti, assistent
segretarju u arkivista għal dawn l-aħħar 25 sena. Ta’ kull sena huwa jirregala xi marċ lillbanda. Huwa dilettant ħafna tal-marċi u tal-programmi. M’Angelo insibuh idoqq ukoll ittrombun mal-banda Ċittadina Leone meta jiġi mitlub u anke ġieli jdoqq wara l-kwinti f’xi
opra li tittella` fit-Teatru Aurora. Huwa daqq kemm-il darba barra minn xtutna; fi Sqallija,
Rivereto, il-Vatikan f’udjenza mal-Papa Ġwanni Pawlu ll u fit-Tuneżija. M’Angelo dejjem
jiġbor il-materjal u jaġġorna l-istorja tal-banda Prekursur. Insibulu il-cassettes kollha li
ħarġet il-banda Prekursur.
Opri li ħadem għalihom huma, l-’Għanja tal-Battista fix-Xewkija’ - 1995, li tagħha huwa
kien il-kordinatur u meta ħareġ
il-ktieb Banda Prekursur 70 Sena
- 1999, meta għamel wirja filkażin tal-banda bl-isem ’75 Sena
Ta’ Ħidma tal-Banda Prekursur’ –
2004, meta ġiet varata l-websajt
uffiċjali tal-Banda Prekursur,
proprju fit-13 ta’ Mejju 2009,
f’Jum il-Banda u meta ħareġ ilktieb ’Ġabra Ta’ Proża u Folklor’
fl-2011.
Huwa jieħu ħsieb jistampa
l-ktieb tal-festa fi ħdan is-Socjetà
Filarmonika Prekursur.
Il-Bord editorjali
jingħaqad mal-kontributuri kollha
ta’ din il-ħarġa tar-rivista Gourgion
sabiex jawgura il-festa t-tajba
lill-qarrejja kollha.