73
Leħen l-Għaqdiet Reliġjużi
MUSEUM
Sezzjoni Subien
Anthony Grima, Superjur
Il-Festa tal-Patrun tagħna San Ġwann Battista
Għall-fundatur tagħna San Ġorġ Preca, il-festa ta’ San Ġwann
Battista kellha sinifikat u importanza speċjali. San Ġorġ Preca
ried li l-festa ta’ San Ġwann Battista - il-patrun tas-Soċjetà
tal-Museum - tiġi ċċelebrata kif jixraq.
San Ġorġ Preca ried li l-festa tal-Battista tiġi ċċelebrata permezz ta’ programm speċjali li kiteb huwa stess. Permezz
tal-programm ta’ tagħlim u talb mifrux fuq disat’ijiem,
huwa ried li l-membri tas-Soċjetà tal-Museum isiru jafu
tajjeb lil San Ġwann. Matul dan il-programm, Dun Ġorġ,
jippreżentalna siltiet mill-Vanġelu u jurina liema huma lvirtujiet u l-kwalitajiet sbieħ li żejnu l-ħajja tal-qaddis patrun
tagħna. Huwa jsemmi fost l-oħrajn, l-umiltà, il-paċi tal-qalb
li jkollu l-bniedem ta’ Alla, u l-intenzjoni retta – jiġifieri li
dak li jagħmel kien jagħmlu għall-glorja ta’ Alla u mingħajr
l-ebda rispett uman.
Imma San Ġorġ Preca ma jiqafx biss fuq dak li nsibu filVanġelu. Huwa ried li l-membri mhux biss jitgħallmu dawn
il-virtujiet li kellu Ġwanni l-Battista, iżda fuq kollox li jgħixu
dawn il-virtujiet f’ħajjithom. Fuq kollox, dan huwa l-iskop
ewlieni għalfejn il-Knisja tiċċelebra l-festi – biex aħna nsiru
nafu aktar dwar il-qaddis u hekk inkunu nistgħu nimitawh
f’ħajjitna.
U din hija l-istedina li nixtiequ nagħmlu aħna wkoll lil dawk
kollha li qed jaqraw din il-paġna. Jalla l-festa tal-patrun
tagħna sservi biex aħna nsiru nafu aħjar min kien Ġwanni
l-Battista, u mhux hekk biss, iżda nitgħallmu minnu biex
aħna wkoll nimxu fuq il-passi ta’ Sidna Ġesù Kristu. B’hekk
inkunu tassew qed nagħtu l-aħjar u l-aqwa qima u ġieħ lillqaddis Patrun tagħna.
Il-Ħidma tal-Qasam tagħna matul is-sena…
Matul is-sena, fil-Qasam tagħna komplejna għaddejjin bilħidma tagħna, mhux biss mat-tfal u l-istudenti iżda wkoll
mall-ġenituri. Il-ħidma ewlenija tagħna hija marbuta mallklassijiet tal-Katekiżmu, u tinkludi wkoll it-tħejjija tat-tfal
għall-Ewwel Tqarbina u l-Griżma tal-Isqof. Matul is-sena,
flimkien mal-Qasam tal-Museum tal-Bniet ġew organizzati wkoll diversi laqgħat għall-ġenituri bi tħejjija għassagramenti li wliedhom ser jirċievu din is-sena.
Minkejja li l-popolazzjoni tat-tfal fix-Xewkija naqset xi
ftit, però għall-grazzja ta’ Alla xorta għandna persentaġġ
tajjeb tat-tfal li jattendu fil-Qasam. Hawnhekk forsi nistgħu
nagħmlu appell biex l-istudenti l-kbar jkompli jattendu aktar
regolari. Nafu li ħafna drabi jkollhom ħafna mpenji u studju,
però l-ħin tal-Museum għandu jingħata importanza għaliex
il-formazzjoni li jieħdu mill-klassijiet tal-Museum tiswa għal
ħajjithom kollha.
It-tfal u l-istudenti li jattendu fil-Qasam tagħna ma jkollhomx
biss ħinijiet ta’ tagħlim tal-katekiżmu fil-klassijiet. Kuljum
ikollhom ċans jilagħbu kemm fil-grawnd, kif ukoll fil-games
room. Għal Dun Ġorġ, il-ħin tal-logħob u tal-mistrieħ kien
ukoll ħin importanti fil-formazzjoni tal-karattru ta’ dawk li
jattendu fl-Oqsma tal-Museum. Taj jeb li nsemmu wkoll ilħarġa tal-Ħadd wara nofsinhar li tikkonsisti jew f’xi logħba
futbol jew xi mixja fil-kampanja. Ġie organizzat league
tal-futbol, kif ukoll matul ix-xhur tas-sajf, jiġu organizzati
wkoll diversi attivitajiet, bħal barbeques, pizza parties, u
ħarġiet ħdejn il-baħar, kif ukoll logħob tas-sajf. Nixtiequ
hawnhekk nagħmlu appell lilkom il-ġenituri biex tħeġġu lil
uliedkom biex matul is-sajf ikomplu jattendu b’mod regolari
għat-tagħlim u għall-attivitajiet li jiġu organizzati għalihom.
Fl-aħħarnett, nixtiequ ngħidu kelma ta’ ringrazzjament lil
bosta benefatturi li jagħtuna l-għajnuna tagħhom matul
is-sena kollha. Bħal kull dar oħra, dejjem jinqalgħu ħtiġijiet
ta’ manutenzjoni. Matul ix-xhur li għaddew saru diversi
xogħolijiet ta’ manutenzjoni li kienu bżonnjużi fil-Qasam
tagħna. Bil-ġenerożità tagħkom il-benefatturi, intom tkunu
qed tgħinu biex inkomplu nwettqu l-ħidma tas-Soċjetà.
Filwaqt li nirringrazzjawkom tal-għajnuna u tat-talb
tagħkom, inwegħdukom li nibqgħu nitolbu għalikom ta’
kuljum. Il-paċi magħkom.