6

7

Blackberry smartphone thar Q5 chu July thla atangin Europe, Latin America, Asia, Middle East leh Africa ah te zawrh tan tum a ni, a man erawh a la puang lo. Blackberry dan pangngaiin qwerty keyboard te tak te a nei ve tho a ni. Phone thar an tlangzarh rual hian Blackberry messaging service lar tak‘ BBM’ chu iOS leh Android device ah te a hman ve theih thuai tur thu an sawi nghal bawk.

Charitybuzz chuan auction a buatsaihah mi tu tih hriatloh chuan Apple CEO nen coffee date an neih theih nan $ 610,000 a bid riap mai! March 2013 a Charitybuzz in auction a buatsaihah Lamborghini Aventor Roadster chu $ 610,000 thoin chhan a lo ni tawh bawk a ni. Coffee chat hi mi pahnih tan a ni dawn a, security screening te an nei vek anga, kalna leh thlenna senso te pawh bidder hian a tum vek bawk ang.

June 10 atanga zawrh chhuah tan tum a ni. He phone hian Android version thar ber tur, Jelly Bean 4.3 a hmang tawh ang. A man chu `25,000 a ni ang. eCommerce website-ah te a order lawk theih a ni.

Sony chuan Angry Birds movie, July 2016 a released tur chu khawvel puma a thehdarh hna an thawk dawn a ni. He film hi Finnish mobile game company Rovio chuan a produce anga, a sum pawh a tum bawk ang. Movie hi a hlawhtlin hlauh chuan animation studio hlun tak Walt Disney pawh cho pha tawk hle tura ngaih a ni.“ Despicable Me” producer John Cohen leh“ Iron Man” executive producer David Maisel ten an buipui dawn niin an sawi a ni.

IMAX company hian private home theatre kan duh ang thlap in an set-up thei ta a ni. Dual 4K projection system leh 7.1 Channel( laser aligned) an install mai bakah interior designer leh architech te pawh kan duh ang kan thlang thei a ni. 2D leh 3D movie a en theih ve ve a ni.

BSNL, Indore division chuan car a hman theih tur‘ wi-fi technology module’ an siam thar ta. He technology module hi `5000- `6000 tur a ni. A enchhin nan BSNL Indore Unit General Manager, GC Pandey-a car ah install a ni. Antenna a nei a, wi-fi signal, 3.5mbps a chak man thei tura duan a ni. Signal hi‘ exchange’, CDMA technology hmangte atangin a man( receive) ang.

Khawvela Veterinary College upa ber, Royal Veterinary College, a scientists-te chuan robot chak( fast) ber siam tumin Africa rama cheetah chu kum nga chhung a zirchiang a. US military in a sum senso tumin tunah khawvel a mihring tlan chakber Usain Bolt-a aia tlan chak Robotic Cheetah a siam chhuak ta. Bolt-a chu 27 mph in a tlan thei a, he robot hi 29 mph in a tlan thei; cheetah tak tak erawh 70 mph in a tlan thei!

Cheetah chezia zirchian nan a nghawngah’ collar’ an hrentir a, hei hi solar power hmang niin cheetah awmdan tinreng: a mut laite, hahchawl laite, a kal laite leh a pawimawh berah sa a um a chak taka a tlan laite‘ data’ chu an record vek a. Data an record hi second khatah 300 laite a ni. He zirchianna atan hian a hmahruaitu Alan chu pound 600,000 pek a ni nghe nghe.

Casio chuan smartwatch model pahnih GB-5600 AB leh GB-6900 AB a tlangzarh. iPhone nen bluetooth hmangin a in connect anga, call leh email, facebook leh twitter update notification te a dawng thei a ni.‘ Phone Finder’ a awm bawk a; sana atangin phone-ah alarm a tih rik theih a ni. Phone nen connection an inhlauhin sana chu a vibrate bawk ang. `9995 man a ni.

HTC ina Smartphone a siamthar tur HTC FirstTM chuan Facebook Home applicaton a keng tel dawn. Hei hi Smartphone zinga Facebook Home application hmang hmasa ber a ni dawn a. Facebook application leh Facebook Messenger chu Smartphone hmangtu chuan kan hmelhriat theuh awm e. Facebook Home hian i phone screen ah automatic in facebook updates, notification leh post thar apiang a hranpa a facebook-a luh ngai lovin a chhawp chhuah sak dawn che a, application dang i hman lai pawhin facebook messaging i khawih kawp thei dawn a, a tangkai hle dawn a ni. Facebook Home hi a hranpa in download theih tho a ni nain hetia Smartphone in a a ken tel hi tunlai Facebook hmang nasa tan chuan thil tangkai tak a nih a rinawm.