MUST HAVE APPS FOR MOBILE PHONE USERS

Tunlai Mobile Phone changkang tak tak a chhuak hnem ta hle mai .. Tun hmaa Computer chauhva tih theih thin kha tunah chuan mobile phone hian software tha tak tak a keng tel tawh a . A hmang tangkai apiang tan a hlu ting mai a ni . Platform hrang hrang - iOS , Android , Symbian , Java , Blackberry OS , Bada OS ah hian application hrang hrang nitin hman sen loh a chhuak a , chung zingah chuan a langsar leh tha kan tih te kan han chhawp chhuak ange ..

Developer : Kevin Systrom , Mike Krieger

Platform : Apple IOS , Android

Visit : http :// www . instagram . com

Instagram hi Online-a thlalak share-na application tha tak a ni a , thlalak satliah a ni lova , filter effect nalh tak tak neiin i thlalak naran ve tak kha professional look ah a chhuah sak thei che a ni . Instagram ah hian Account i siam anga , account siam man hi a free a ni . Tin , account i siam zawhah i profile te i update hnuin , i facebook account leh Twitter account te nen i link thei a . Instagram-a i thlalak upload kha facebook leh twitter ah te automatic in a lo inpost tawh mai dawn a ni . Instagram hi October 2010 chauva piang a ni nain tunah hian hmangtu maktaduai 100 chuang an awm tawh a , Mizo te pawhin kan hmelhriat tan ve mek a ni .

Camera Filters te : Amaro , Mayfair , Rise , Valencia , Hudson , X-Pro II , Sierra , Willow , Lo-fi , Earlybird , Sutro , Toaster , Brannan , Inkwell , Walden , Hefe , Nashville , 977 , Kelvin .

Developer : UCWeb Inc .

Platform : IOS , Android , Symbian , Java , Wp , Blackberry

Visit : http :// ucweb . com

Internet browser tha tak zingah UC browser hi i la hmang ngailo anih chuan han belchiang ve ang che . Browsing speed a chakin a interface hman a nuam em em bakah browser dang aiin a that bikna sawi tur a tam hle . Han belchiang ila ...

UC Browser features :

Night Mode : UC browser hi Night Mode ah a set theih . A awmzia chu background var eng tak i mitin a huat em em kha a tihdim sak mai nilovin , a font color leh background te thlak danglamin hahdam takin webpage i surf thei dawn a ni .

Incognito Browsing : Private Browsing pawh an ti tho va , Incognito browsing hi i On chuan i webpage luhna te leh i thil tih kha browser in engmah a save dawn lova , spy tawkin i browse kerh kerh tawh mai dawn a ni .

Ad Blocking : Internet hman laia ninawm deuh chu pop-up advertisement hi a ni a . Ad blocking hi UC feature tha tak a ni . Hei hian i browsing experience a tinuam hle dawn a , browse laklawh laia pop-up ad vel kha a lo block sak dawn che a ni .

Screenshot : UC feature tha leh deuh chu webpage kha i save mai niloin , thla i la thei dawn tihna a ni a . I webpage save theih siloh emaw , han save mai remlo kha screen shot i la anga , image file in i save tawh mai dawn a ni .

Developer : Whatsapp Inc .

Platform : Iphone , Android , Blackberry , Nokia S40 , Symbian , Windows Phone

Visit : http :// www . whatsapp . com /

Tunlai Smartphone hmang tena an hman tangkai ber pakhat chu WhatsApp hi a ni awm e . Whatsapp hi messaging application niin text , thlalak , audio , video clip te leh smiley chi hrang hrang a awm a . Phone number pakhatah whatsapp account pakhat hman zel theih a ni . A hmang tawh chuan an addict hle . Whatsapp hian i 2G / 3G mobile internet a hmang a , Wifi a support bawk .

FEATURES : ★ MULTIMEDIA : Send Video , Images , and Voice notes .

★ GROUP CHAT : Group siamin contact a add theih a , group huamchhungah inkawmkhawm theih a ni .

★ NO INTERNATIONAL CHARGES : Khawvel hmun hrang hrang bia la , i 2G / 3G connection khan a thleng phak vek , international charge tih velah engmah buai a ngai lo .

★ PINS & USERNAMES : Blackberry te angin PIN neih kher a tul lova , theihnghilh a awl mai mai . I phone contact ami kha automatic in whatsapp contact ah a import a , awlsam tein i chat mai dawn a ni .

★ LOG IN / OUT : Login leh Logout hranpa a ngai lo , engtik hunah pawh i signal a awm chhung chuan message i dawng reng thei .

★ OFFLINE MESSAGES : Push Notification pawh Off la , Whatsapp i hawn hun hunah offline message a chhiar theih .

★ Heng bakah hian i awmna location i share thei a , contacts i exchange thei a , Chat screen ah i duh ang wallpaper i set thei bawk . Tin , notification sounds te i set thei a , Landscape mode ah i dah thei a , Email chat history a in save thlap a , vawikhat hmeh lekah mi tamtak hnenah message i thawn thei bawk .

1 st Issue

2013

Gadget Freak