All-in-one PC a ni a . 27-inch HD multi-touch ( 10-point ) display niin 2.4GHz Intel Core i7 processor , 6GB RAM , 1TB HDD leh 2GB Nvidia GT 630 graphics card a nei a , Windows 8 a hmang bawk . Blu-ray drive , HDMI port leh USB 3.0 port a nei bawk . Mamawh dan a zirin screen hi a tung chho zawng pawhin a dah theih a ni . Memory card slot , TV tuner leh stereo speaker te a la awm bawk . A man chu `115,990 a ni .

Samsung NX camera zingah chuan a tha ber rih a ni . 20.3MP APS-C CMOS sensor a nei a , ISO range pawh 100-25,600 a ni . Full HD video a lak theih bawk . Wi-Fi bakah NFC ( Near Field Communication ) a support a ni . 3.3 inch AMOLED touchscreen a nei a , duh angin a kawih thleh vel theih a ni . In-built flash a awm lo a , external flash ( SEF8A0 ) a keng tel thung . Samsung chuan NX series hmasa te a auto-focus tha vak lo chu a pha lem lo , amaherawhchu NX300-ah erawh a fak hle thung . Camera tha tak leh hman awlsam tak a ni .

A mawiin a nalh a , mi zawng zawng tan erawh a ni lo maithei . A screen ( IPS dispay ) hi inches 20 laia lian a ni a , 4K ( 3840x2560 ) resolution leh 230ppi a ni . Windows 8 Pro full version a hmang bawk . 4GB RAM a hmang a , 128GB SSD drive a nei a , 720p HD camera a nei . 1.8GHz Intel Core i5 processor a hmang bawk . 2.2 Kg vel a rit a ni . A prototype chauh an la siam chhuak rih a , zawrh chhuah tur tak tak erawh chu tlemin a danglam maithei a ni .

Headphone market hi a danglam sawt hle . Lar tur chuan headphone ‘ style / design ’ hi a pawimawh ta hle . Momentum hi Sennheiser hmalakna thar a ni . Ena a mawi tluk zet hian hman pawh a hahdam . A cable hi 1.2m a sei a ni a , a thlawn thlak theih a , button control pathum a awm bawk . 3.5mm jack hi wire nena inzawmnaah hian in thlep theiin siam a ni bawk . Hard-case , 3.5mm- 6.3mm converter leh cable spare a chhawm bawk . Bass a tha , treble a tha tia han sawi lai bik tur a awm lo , a in balance tawk hle a , design leh comfort pawh a in balance tawk hle bawk .

A version hmasa Wireless GoFLex a intiat a , 1TB storage a nei thung ; HD movie 500 zet a store theih . Phone leh tablet ( android or iOS ) atangin a ‘ access ’ theih a , Kindle tan pawh app a awm a ni . In lama PC leh office-ah te pawh a hman theih a . Wi-Fi network awmsa a connect thei a , anih loh vek pawhin HDD hian wi-fi network a siam thei a , device dangin an rawn connect thei dawn a ni . Network atan chuan password a dah theih bawk . Device hrang hrang pariat ( 8 ) in arualin an connect-in a chhunga thil awm chu an access thei vek a ni . Wireless hman duhloh pawhin USB 3.0 port a awm . 256 gm a rit a ni a , battery hian darkar sawm ( 10 ) zet a daih bawk a ni .

UA85S9 hi LED-backlit UHD ( Ultra High-Definition ) TV awm hmasa ber a ni awm e . Inches 85 lai ni mahse a pan hle . ‘ One connect ’ technology an hman avangin cable connection pawh a felfai hle . Speaker paruk ( 120W ) a nei a , a stand ah hian dah a ni . Smart touch remote a nei a , voice control a hman atan microphone a awm bawk ; command 200 lai a support a ni . LED local dimming a hman avangin contrast ratio pawh ‘ edgelit LED ’ TV te aia tha fe tura ngaih a ni . Samsung smart TV-te ang thoin voice , gesture leh face detection control te a awm a ni . 1.35GHz quad-core processor a hmang a , multitasking leh video content UHD resolution a tihsan ( upscale ) nana chakna petu a ni .

1 st Issue

2013

Gadget Freak