Hartsklanke van
die vakansie
Pieter Cloete
Baie van my vakansie-avonture kan ek
baie goed onthou, danksy musiek wat
my op die avonture vergesel het. Net
nou die dag hoor ek 'n lied op radio
wat ek baie lanklaas gehoor het, en
dié het my dadelik teruggevat in tyd.
Zinkplaat – Piekniek op die maan.
Dit was 'n heerlike somersmiddag op
'n wynplaas in Helderberg saam met
iemand spesiaal. Dit was rooiwyn en
liefde op die eerste oogopslag. Dié
liedjie het in die agtergrond gespeel
op my eerste iPhone. Snaaks hoe
musiek jou weer kan laat dagdroom
en terugvat in tyd. Dit kan herinne-
ringe vasvat en die goeie (en slegte)
tye kan terugspeel soos 'n ou
grammofoonplaat.
Of jy nou die langpad deur die Karoo
gaan aandurf of 'n naweek wegbreek
in die bosveld, musiek gaan saam
(of jy dit nou ingepak het of nie).
Hier is my vyf gunsteling albums van
2017 wat die pad na jou bestemming
meer aangenaam kan maak (of dalk
agtergrondmusiek as jy daai eerste
vakansie-braaivleisvuur aansteek).
-------------------------------------------------
Steve Hofmeyr – Skree
Steve het vanjaar sy 30ste album
opgeneem met die titel, Skree. Sy
nuutste enkelsnit vanaf dié album is
tans op verskeie top 20 trefferparades.
Die album sluit liedjies in soos:
“Feeslied”, “Skree” (Steve Hofmeyr &
Riana Nel, “Val In My”, “Breek Jou
Belofte”, “Ek Is”, “Hoe Maak Ons
Nou”, “Langkoebaai”, “Loper”, “Net
Mooi Bogerol Fogerol Niks”,
“Sondaars”, “Voetsekdag”,
“Goverment Song” en “Red Gebed”.
-------------------------------------------------
Refentse – Deur my venster
Hierdie is Refentse se tweede album,
met 'n paar liedjies wat hy self geskryf
het soos “Vuil Vanderbijl”, “Anoret”,
“Melans MNel”, “Jané vir my”, “Alles
my nou” en “Sal jy?”. Die album sluit
ook die volgende liedjies in: “Lalie”,
“Stuur Groete Aan Mannetjies Roux”,
“Sprokie Vir 'n Stadskind”, “Piekniek
Vir Twee”, “Engel”, “Pennies Op Die
Spoor”, “Transkaroo”, 'n Anton
Goosen Medley, 'n David Kramer
Medley en “Breyten Se Brie”.
--------------------------------------------------
Liezel Pieters –
Sing my hart uit
Liezel Pieters is 'n sangsensasie wat 'n
geruime tyd reeds gehore verstom
met haar fenomenale vernuf en veelsy-
digheid. Nou is dié Krone- en 4Werke-
gunsteling se debuutalbum uiteindelik
hier! Sing my hart uit is 'n album wat in
15 snitte van pure bederf die aller-
beste van een van Suid-Afrika se
mees opwindende nuwe talente
tentoonstel – 'n ryke en unieke
vermenging van pop, country en selfs
'n tikkie rock.
Hierdie CD sluit liedjies in soos: “Droë
Riviere”, “Asemloos (Believing)”, “Gooi
Jou Liefde Op My Neer”, “Heaven Is
Here”, “Miljoene Druppels”, “Nagskof
Opskop” (Snotkop & Liezel Pieters),
“Lekker-Lyf-Lekker”, “Meer as Net
Vriende”, “Making Love Out of Nothing
At All”, “Just a Fool” (Ray Dylan &
Liezel Pieters), “Dans Dat Die Stof So
Staan”, “Sing Jou Hart Uit”, “Wie Jy
Is”, “Show Me Heaven” en 'n Bonnie
Tyler Medley.
--------------------------------------------------
Kaleidoskoop –
Gunsteling seisoen
Die talentvolle akoestiese musiek-
groep, Kaleidoskoop, het dit reggekry
om die afgelope tien jaar die harte van
musiekliefhebbers regoor die land te
verower. Hierdie Huisgenoot Tempo-
bekroonde (Beste Kontemporêre
Album 2012) en Ghoema-genomi-
neerde (Nuweling van die Jaar, Beste
Kontemporêre Album, Musiekvideo van
die Jaar) sang-duo is self verantwoor-
delik vir elke aspek van hulle musiek
en bied aan luisteraars 'n
hoendervleismooi akoestiese klank,
vermeng met 'n magiese kombinasie
van melodieë en instrumente – wat nie
net aanklank vind by gehore van alle
ouderdomme nie – maar ook getuig
van hulle talent, passie en sinergie.
Gunsteling seisoen sluit in “Vlugvoe-
tig”, “Gunsteling Seisoen”, “Jy Langs
My”, “Die Goeie”, “Somer-reën”,
“Erfgenaam”, “The Call”, “Wegbreek”,
“Soms Wonder Jy”, “Mooiste Tyd”,
“Dromer”, “Gabriel” en “Fakkels”.
-------------------------------------------------
Len Muller –
Oog van die storm
Len Muller het beslis geen bekend-
stelling in die musiekbedryf nodig nie.
Hy het een van daardie unieke
stemme, wat 'n gehoor in die palm van
sy hand hou totdat die laaste noot
wegsterf, en het in 'n kort tydjie
homself stewig kom vestig in die harte
van musiekliefhebbers. Sy tweede
studio-album, Oog van die storm, is
pas bekendgestel en beloof om nie
net voort te bou op sy kenmerkende
wenresep nie, maar dit ook te oortref.
Hierdie splinternuwe CD kan beskryf
word as Afrikaans-akoesties en sluit
die klanke van al dié musikant se
gunsteling instrumente in – van die
banjo en mondfluitjie tot die tjello en
akoestiese kitaar. Dit sluit liedjies in
soos “Ek Glo”, “Ons Is Een”, “Sing
Vir Sente”, “Die Gang”, “Vrede”,
“Amsterdam” (feat. Dan Patlansky &
Dave Ferguson), “Sweef”, “Oog Van
Die Storm”, “Sterrewals”, “Totsiens”,
“Wonde” en “Boetie”.
Maak hierdie vakansie herinneringe
deur jou eie hartsklanke, hetsy dit
rock, Afrikaanse pop of alternatief is.
Die Afrikaanse TAALSKRIF
13