Enero 2020 Berberana Enero 2020 270 LR_compressed | Page 15
mantible
solasean
IKAk 31 urte bete dituen
honetan, euskaltegiak enbidoa jo
nahi du Arabako Errioxan. Izan
ere, egoera asko aldatu da 31
urteotan.
31 bakarrik ez, hogeita
hemeretzi ere bete ditu Arabako
Errioxako euskaltegiak, eta
ez dago azalpen handirik
eman beharrik urte horietan
guztietan izandako aldaketa
irudikatzeko. Hasierako garai
haietan ia ez zegoen euskaraz
zekien heldurik, Ikastolak ere
hastapenetan zeuden… Gaur
egun, berriz, Ikastolez gain,
ikastetxe publikoek ere euskaraz
eskaintzen dute euren zerbitzua.
Bai, egoera aldatu da.
Agerikoa da duela 31 urte
euskaraz ikasteko ahalegina
egindakoek klasetik aparte ez
zutela ia aukerarik euskaraz
jarduteko, entzuteko… Orain
irrati eta telebistaz gain,
Interneten aukera handia da,
eta, gainera, Ttiki-ttaka, Arabako
Errioxako euskara elkartea, ez
da bakarra ekitaldiak euskaraz
bultzatzen; hor daude herrietan
beste elkarte batzuk ere:
Matraka, Kasikojolabubilla,
gazte-asanbleak… baita
zenbaitetan zenbait udal ere,
eta, noski, mintzalagun eta
gurasolagun proiektuak. Egoera
aldatu da, bai.
Urte askotan, euskaltegiko irakasleek,
ikasleen laguntzarekin, beren lana beharko
lukeen euskara-eskolak emateaz gain, diru-
bilketak egiten, zozketak, txosnak jartzen
eta abarretan ibili behar izan dute. Kobratu
gabe ere hilabeteak egin dituzte eta gutxi
kobratuta urteak. Oraindik ere gutxietsitako
33. zenb.
2020urtarrila
ikaerrioxa
IKAk, 31
ENBIDO!
lana da euskaltegiena, baina, bai, egoera
aldatu da.
Lehen, duela 31 urte, behe urratsek
osatzen zuten euskaltegiaren jarduna, batez
ere, euskara ikasten hutsetik, zerotik, hasten
zirenek. Gaur egun, euskaraz moldatzen
diren ikasleak dira gehiengoa. Aurten,
esaterako, duela 31 urte ikasle izandakoen
90 seme-alaba dira euskara hobetzeko
taldeetan. Aldatu da, bai, egoera.
Orain dela 31 urte erritmo bakarra
zegoen euskara ikasteko, astean zortzi
ordukoa, hain zuzen. Egun, ikasleen erdiek
bestelako modulu eta sistemetan ikasten
dute: Internet bidezkoa, tutoretza eta
mintza-saio bidezkoa…
Egoera aldatu da, bai,
eta euskaltegiak egoera
normalizatutakoan ixteko
asmoarekin sortu ziren, baina
enbido jo arren, oraindik ez du
31 eskutik; izan ere, bada lana
inguruotan. Datuek diotenez,
herritarren %90ek euskaraz
jakin nahiko lukete, baina %52k
ez dute ulertu ere egiten.
Oraindik betiko zurrumurru,
topiko eta gezurren aurka
lan egin behar da. Berrogei
urtetik aurrera ezin dela
euskara ikasi: gezurra. Euskara
hizkuntza zaila dela: zailtasun
bera du gaztelania ikasi duen
euskaldunak eta euskara
ikasi behar duen erdaldunak.
Garestia dela: gaur egun maila
gehienetan doan edo ia doan
ateratzen da, dirua aurreratu
behar bada ere.
31 urte hauetan
Administrazioak bere egin ez
duen zerbitzu garrantzitsua
eskaini du euskaltegiak. Eta
jarraitu beharko du urteetan,
aipatu bezala, oraindik ere
herritarren ehuneko handi
batek ez duelako ulertu
ere egiten, Administrazioak
gizarteak izan duen bilakaera
izan ez duelako eta “Eske,
jendeak ez du eskatzen”
esaten jarraitzen duelako,
gizartea ere aldatuz doalako eta kanpotik
etorri zaigun jendea euskarara hurbildu
beharra dagoelako…
Bai, egoera aldatu da, baina ezin da
oraindik hordagorik jo. Hala ere, 31 urte
betetzearen ospakizuna aprobetxatu nahi
du IKAk euskarak hurbil izan zaituzten
guztioi eskerrik asko esateko.