EVELYN WEVER-CROES NA OTMAR ODUBER:
BERDAD UN HENDE TA ASERCABO PA PLANTA STRAWBERRY
NA ARUBA, Y BO NO TA SCREEN E HENDE?
Ta ken Otmar Oduber kier tuma hasi?
Minister Otmar Oduber a
hay’e den un posicion fastioso cu prensa na momento
cu prensa a puntre tocante
e memorandum of understanding cu el’a firma cu e
sospechoso peligroso Ospino Span, pa planta strawberry na Aruba. Prome reaccion di Otmar Oduber ta
cu Evelyn Wever-Croes ta
ganja, tipico reaccion di un
hende cu a wordo gara den
trampa y cu no tin argumento.
KIKO
EVELYN
WEVERCROES A GANJA?
Riba 8 di november 2010
Otmar Oduber a firma cu sr.
Ospino Span un m.o.u. pa
8
E-Vespertino.com
e compania cu sr. Ospino
Span ta representa, planta strawberry. Gobierno di
Aruba ta paga e compania
di sr. Ospino Span 11 mil
dollar pa e compania bin
planta strawberry na Aruba!
Evelyn Wever-Croes a prueba eskai cu e m.o.u. den su
man.
KEN TA OSPINO SPAN?
E mesun sospechoso peligroso cu den e dianan aki
mester a bai corte. E mesun
sospechoso cu gobierno di
Aruba a saca for di KIA cu
helicopter hiba aeropuerto,
a sera aeropuerto, pa mande Hulanda. Aya na Hulanda
ela keda sera den e prison
cu alta seguridad. Tur esaki
ta documenta den e Ministeriele Beschikking no.201
cu Minister di Justicia a firma pa manda e sospechoso
Hulanda.
E mesun sospechoso cu a
wordo condena anja pasa
pa labamento di placa den
2010, por cierto e mesun
anja cu el’a firma e m.o.u. y
a comete e atraco riba CMB
airport, e mesun persona cu
na 2009 a sinta un castigo
di 20 luna pa posesion ilegal
di arma, y cu awor ta den
Corte sospecha di a comete
asalto arma di dos hoyeria
grandi y di dos otro banco.
E informacion aki ta den tur
medio di comunicacion, y
den e proces verbaal.
DICON GOBIERNO TIN TANTO MALA SUERTE?
Minister Otmar Oduber kiermeen cu e no tabata sa ken
e cabayero aki ta na momento cu el’a firma cun’e
e m.o.u. Berdad e minister
kier pa nos kere cu un hende ta aserk’e cu kier planta
strawberry na Aruba, anto
e minister no ta screen e
persona? Ta te despues di
firma ta screen e persona?
Acaso no tin Veiligheids Dienst mas activo na Aruba?
Ta kiko e minister ta sconde
tras di tur esaki?