E-Vespertino Edicion di 17 di December 2013 | Page 7

Aportando y contribuyendo grandemente pa mantene bibo nos tradicion… Cu sumo placer y alegria e Agrupacion: “Paranda di Aguinaldo”, a presenta na pueblo di Aruba nan Disco Compacto nobo- nobo cu ta contene tur e temanan cu nan a participa cu nan den e “Prome Festival di Musica y Paranda di Aguinaldo 2013” organisa pa Srta. Marelene van der Linde cu sosten di UNOCA, pa asina aki, rebiba e bunita tradicion di nos antepasado cu sigur nos lo mester sigui keda sostene, carga y nunca lubida...! E CD aki ta contene e “Reina di Aguinaldo di Porta 2013 Hubenil” y Tambe 1er luga di propio Composicion “Dilanti di Bo Porta” Srta. Franksjen Vos, como tambe e 3er Luga “Aguinaldo di Porta 2013 Hubenil” Srta. Milanchely Richardson y tambe cu e Propio Composicion “Un dushi Aguinaldo” cu composicionnan di letra y melodia di señor Jhon Freddy T. Montoya. Nos ta gradici tur emisora y radio-locutor p’e oportunidad cu nan a brinda nos di por a lansa riba mercado y presenta un hoya di CD, aportando grandemente cu nos cultura musical y forma parti di e coleccion di piesanan dedica na Niño Hesus den e temporada di Pasco aki. Nos ta felicita Srta. Franksjen Vos y Srta. Milanchely Richardson pa nan bunita interprecion den e cancionnan riba e CD, sin lubida señor Roland Jansen kende a sa di haci tur cos posibel pa for- ma e agrupacion aki, na e hoben Shamouk Greaux p’e areglo di e cancionnan hunto cu señor Mario Kelly Jr pa su areglo riba e melodia riba e violinnan cu a keda magistral, na señor Franklin Helder p’e di dos violin den e grabacion, señor Wiwi Maduro, señor Richi Alberto, Srta. Janaika Henriquez kende nunca a laga nos na caya y sacrifica su oranan largo pa nos logra caba cu e produccion, na Charise Arends pa tur e consehonan fructifero, na señor Dimitri Frans pa un otro excelente grabacion y produccion, sin lubida e mayornan di e dos hoben aki y henter e famia di e agrupacion completo pa nan pasenshi y contribu- cion. Pa nos tabata un privilegio di por a contribui grandemente cu nos cultura como tambe di a forma parti protagonico den e valioso festival aki y di a skirbi e canticanan aki cu hopi amor y dedicacion pa nos dushi pueblo Arubano por sigui disfruta di e produccion completamente nobo, cu sigur hopi hende lo ta bay disfruta y keda encanta pa su calidad musical. Nos ta termina gradiciendo tur medio di comunicacion pa nan sosten y sigur como grupo nos lo keda sigui Aporta y contribui grandemente pa mantene bibo nos tradicion manera mester ta...! E-Verspectivo.com 7