Minister Arthur Dowers ta bishita Aureus University School of Medicine
ORANJESTAD: Diamars mainta Aureus University School of Medicine tabata anfitrion di Minister di Husticia y Enseñansa, mr drs Arthur Dowers. E mandatario a wordo ricibi pa e Executive Dean, dr. Gurmit Chilana. Minister Dowers a haya un tour di e scol situa otro banda di caminda di Aeropuerto Internacional Reina Beatrix, cual originalmente tabata un edificio di oficina. Aureus University a renoba e edificio pa acomoda tur e disciplinanan di e scol di medicina completo cu ta reconoci internacionalmente. Aureus University School of Medicine siguramente tambe ta un opcion mas pa nos studiantenan di 8 Aruba kende ta ambiciona un carera den e ramo di medicina. E facultad ta registra cu International Medical Education Directory (IMED), cual ta un division di e Educational Commission for Foreign Medical Graduates (ECFMG) di Merca. E studiante y graduadonan di Aureus por aplica y haci e examen USMLE of cualkier parti di e examen aki. Si e studiante of graduado completa e examen cu exito e por haya un “residency position” na Merca. Como cu Aureus ta registra tambe na Canada na Medical Council of Canada, e graduadonan tambe por aplica pa haci e examennan pa haya nan licensia Canades.
E-Vespertino.com