“Xander Bogaerts ta un
berdadero inspiracion pa
henter pueblo di Aruba”
“Xander Bogaerts ta
un berdadero inspiracion pa henter pueblo di Aruba”, Premier
Mike Eman a bisa na
e yegada di nos astro
Arubano di baseball,
Xander
Bogaerts,
kende siman pasa
hunto cu su ekipo Boston Red Sox a logra
e titulo di campeon
mundial di baseball
Major League. Premier Eman tabata
corda con algun aña
atras ekipo di Aruba a
gana e titulo mundial
di baseball na Bangor,
Maine. Esaki a trece
hopi alegria bou di
nos comunidad, specialmente e hobennan cu ta practica deporte y awe algun aña
despues por mira con
un yui di tera ta logra
gana un Serie Mundial. Esaki cu su apenas
21 aña di edad, algo
berdaderamente historico.
Premier Eman a comenta cu e logro di
Xander ta algo excepcional y no ta tur ora
bo ta experencia algo
asina grandi unda cu
henter un pueblo a
biba e momentonan
di alegria, e orguyo di
mira con un hoben di
apenas 21 aña ta pone
Aruba
su
nomber
resona rond mundo,
unda cada bes nan
tabata menciona Xander su nomber y esun
di Aruba.
Parti di nos himno ta
bisa ‘Aruba, chikito y
simpel bo porta pero
si respeta’ y esaki ta
berdaderamente loke
Xander Bogaerts a
haci durante e weganan di baseball den
cual el a participa. Un
berdadero inspiracion
pa henter e pueblo di
Aruba, specialmente
e mas chikitonan cu
ta mir’e como nan
ehempel.
Premier Eman a finalisa
bisando
cu
Gobierno di Aruba lo
bay crea un Xander
Bogaerts Fund cu lo
percura pa yuda hobennan talentoso cu
kier sigui un carera
mescos cu Xander pa
asina nan tambe por
logra bira exitoso den
bida.
Por ultimo Premier
Eman a manda un
palabra di pabien na
Xander, su mama Sandra, su ruman Jair, na
henter su famia presente como tambe na
e comunidad Arubano
cu a sa di sostene e
hoben pelotero den su
trayectoria deportivo.
Premier Eman:
E-Verspectivo.com
5