TweedeKamer lo aboli status
di ambtenaar na Hulanda
Ayera den TweedeKamer a keda debati y
acepta cu lo bai aboli
e status di ambtenaar
na Hulanda, cu excepcion di polis, militar y
huesnan so lo keda cu
e status aki. Esaki ta
nifica cu mayoria lo
perde nan status di
ambtenaar cu ta duna
2
E-Vespertino.com
nan hopi beneficio y
proteccion. Manera e
proteccion di no por
keda retira for di trabao, cu e status nobo
aki si esaki por. Varios derechonan lo ser
kita.
Sindicatonan
na Hulanda naturalmente ta furioso riba
esaki. Pero Gobierno
ta pone loke lo bira
e ex-ambtenaarnan
aki na Hulanda igual
cu esnan den sector
priva. Ohala cu esaki
lo por keda adapta y
copia aki na Aruba y
di e forma ey lo spaar
miyones pa anja den,
bashi premie, vakantieregeling y dios sa
cuanto cosnan mas cu
na e momentonan aki
ta causa nos economia hopi placa benta
afo. Aki na Aruba un
ambtenaar por keda
un anja cas sin traha
y cobra full salario y e
previlegio di haya aumento, manera nan
ta yame, periodieke
verhoging sin pasa
un evaluacion. Hendenan den ambtenarij
na nos isla cu no tin
diploma of lo minimo
ta gana mas cu profesionalnan, pamotibo
di politica partidista di
tur partido politico. E
Bagamunderianan aki
mester caba!