Toque de queda na Bogota, Colombia
Varios dia campesinonan ta den protesta na diferente cuidadnan di Colombia, debi cu Gobierno di Santos no tin oido pa nan inquietud y nan preocupacionnan. Varios dianan caba e campesinonan ta protestando pa haya nan derecho y oido pa cu nan necesidadnan. Sinembargo 4
esaki a bai for di man ayera na Bogota, ora cu e manifestacionnan a bira violento y militar y polis a cai den e asunto aki. Gobierno di Colombia a decreta ley seco mesora y a pone un toque de queda cu a inicia for di ayeranochi te cu awe mainta marduga. Ningun hende
cu no ta tin permiso por a subi caya y si esaki tabata e caso, polis lo a detenenan hiba nan bai sera. Gobierno di Santos te ainda no a logra yega na un dialogo beneficioso pa e campesinonan. Durante e manifestacion por a mira y tende varios
campesinonan humilde cu tabata protesta contra polis y e militarnan cu tabata recohe nan pertenencianan, durante e dianan di manifestacion. Mientras tanto polis tin e situacion bao di control.
E-Vespertino.com