Censo a reparti caarchi di votacion
Faltando menos di un luna pa nos tin un otro elección pa Parlamento atrobe. Tur preparacionnan den diferente departamento di gobierno ta ser hacia. Entre otro Censo cu ta esun principal den e proceso elec-
toral, ya caba a manda repartí caarchinan di votación. Si encaso abo no a haya dibo anida, lo bo mester warda te despues di 9 di september pa por bai reclama un copia di e derecho por medio di un
caarchi pa vota. Corda esnan cu a muda y no a registra e adres nobo na unda nan ta ubica awor aki, mester tene cuenta cu bo caarchi ta ser manda na e adres prome cu esun cu awor bo ta bibando. Mas di 68.700 votadornan lo
bai haci uso di nan derecho democratico pa vota fin di september awor. Corda cu esaki ta un derecho sagrado cu bo tin den un pais democratico, haci bon uso, bai vota, ya cu Bo Opinion tambe ta CONTA!!!
ORANJESTAD – Caya Grandi ta practicamente cla pa loke ta e parti di renobacion pero falta mas trabou cu mester wordo haci cu ta bay wordo realisa door di un organisacion conoci den otro paisnan como “Business Improvement District” (BID). E entidad aki ta responsabel pa tur aspecto cu tin di haber cu Caya Grandi. Prome Minister Mike Eman y Minister di Infrastructura Benny Sevinger, tin un idea caba di kico kier logra na final cu Caya Grandi. No solamente pa trece mas cliente pa centro di Oranjestad pero en general pa crea mas movecion tanto den dia como anochi. Pa logra esaki e mester resulta den un centro
Presidente di MAMBO ta di acuerdo cu Gobierno Crea espacio pa apartamento den Centro ta trece bida y crea control social
u nda e hendenan por haci compras pero tambe biba, cual ta posibel mirando con hopi edificio di piso tin di cual e parti ariba no ta wordo uza. Esaki ta un pensamento tambe di Audrey Croes Lacle, Presidente di MAMBO, organisacion cu ta representa comerciantenan di Caya Grandi y directora di Maggy’s. Gobierno tin un concepto di BID y a busca sugerencia y experticio di sra. Croes Lacle. Den un entrevista cu e ehecutivo el a bisa cu den tur e Congresonan cu el a bishita, el a siña cu centro di ciudad mester tin oficina y apartamentonan. Den e Aruba di antes mayoria di e edificionan tabatin e cas
familiar ariba of tabata Herenhuizen, manera cu nan tabata wordo yama. Presidente di MAMBO ta pensa tambe riba un compleho di apartamento cu su area di stacionamento cu ta haci biba den centro atractivo. “Antes tur hende tabata biba y traha den stad, pero poco-poco e hendenan a cuminsa sali. Stad anochi ta isola.” E ta kere cu awor cu no tin trafico ta circula anochi mas den Caya Grandi e ta un bon idea pa promove bin cu apartamento, kisas den e partinan ariba di e edificio, cu ta wordo gehuur na trahadonan creando bida den centro na tur momento.
E idea pa crea oportunidad pa hendenan por biba bek den centro no solamente ta crea un circulacion di hende pero tambe e ta un forma di control social. E ta un idea cu Gobierno a papia riba na diferente ocasion cu tabatin presentacion di e plannan pa renoba y principalmente revitalisa Caya Grandi.
E-Verspectivo.com
3