E-Vespertino Edicion 28 di November 2013 | Page 5

Awor kier duna nos paspoort Caribense/Hulandes Poco poco pero sigur, nos politicona aki banda ta hallando indicación fuerte con politicona holandés kier deshace di nos cu diplomacia. Awor e parlamentario di VVD, Andre Bosman, ta sugeri pa e islanan Caribense/Hulandes haya nan apropio paspoort hulandes. Sugerencia ta pa e paspoort lo mester tin un color mas cla cu ta indica si ta di Aruba, Curacao of St.Maarten eta. Esaki a keda presenta e siman aki den TweedeKamer na Hulanda pa e parlamentario Bosman aki. Un discriminacion total y contra leynan vigente, ta loke por bisa di e proposicion aki cu tin su tinte di actitud colonialismo fuerte cu semper a existi. Segun Bosman e paspoort aki lo tin e mesun derechonan cu esun di Hulanda. Ki hilaridad y awor ta pa mira si nos politiconan aki na Aruba y Gobierno tin weso di lomba pa para e mentalidad mesquino y colonialismo aki for once and for all. Enberdad nos falta un Betico Croes pa sali na defensa di nos autonomia cu ya ta na werki y poco poco Hulandes, (Macambanan) ta ganando tereno tur caminda den Gobierno aki riba nos isla y tur politico tanto den go- bierno como oposicon, cu excepcion di lider di Democracia Real, Andin Bikker cu ta mustra cu ta unico cu na e momentonan aki tin weso di lomba y cu a demostra esaki tambe na diferente ocasion contra di e mentalidad perverso hulandes. E-Verspectivo.com 5