Den 2013 Aruba
a conoce 60
caso di cancer
di prostaat
Recientemente a tuma lugar e conferencia “Ta bo Bida! Controla na tempo”
di Koningin Wilhelmina Fonds Aruba y
Fundacion Contra Cancer di Prostaat.
Durante e anochi aki urologo dr Jason Petronilia a tene un presentacion
pa casi 200 hende encuanto diferente
aspecto di cancer di prostaat manera
prevencion, diagnostico y tratamento.
Dr Petronilia a splica cu ta hopi importante pa un hende homber haci
control trempan cuminsando caba for
di ora e yega 50 aña. En caso cu e
homber ta sinti simptomanan, e por
cuminsa controla na un edad mas hoben tambe. Cancer di prostaat casi no
tin simptoma y unabes cuminsa sinti algo hopi bes ya e cancer ta den
estado avansa. Den 60% di e casonan e hende homber no ta sinti ningun simptoma. Den e otro casonan
mayoria bes e hende homber ta haya
problema ora di urina of e ta haya dolor den weso. Cancer di prostaat por
wordo controla via sanger unda cu
ta midi e nivel di PSA y por controla
tambe via saminacion fisico. Especial-
2
E-Vespertino.com
Urologo dr Jason Petronilia
mente e saminacion fisico tin
hopi taboe rond di dje ya cu
hopi hender homber tin dificultad cu e parti fisico di e
control. Pero control ta keda
primordial den e aspectonan
di prevencion, diagnostico y
tratamento. Segun dr Petronilia, como 15% di pashentnan
cu ta bin urologo pa busca
ayudo ta bin ora cu ya e cancer ta den un estado avansa.
Asina mes un PSA halto no
necesariamente kiermeen cu
e persona tin cancer, p’esey
control ta importante y e sigiente paso ta e saminacion
fisico. Durante e saminacion
fisico e pashent mester ta relaha. E saminacion mes no ta
haci dolor y
ta liher. Por
medio di e
saminacion
fisico
por
diferencia
entre e tres
malesanan
mas comun
di
prostaat. Den aña
2013 so caba
Aruba a conoce 60 caso
di cancer di
prostaat. Si
e tendencia
aki keda lo
kiermeen cu
den 5 aña Aruba lo tin como 300 hende y nan famia cu ta sufriendo e consecuencianan di cancer di prostaat. E
cantidad di casonan di cancer di prostaat a aumenta drastico den e ultimo
añanan. Na 2004 tabatin menos cu
20 caso pa aña. Aki na Aruba mayoria caso di cancer di prostaat ta afecta
hendenan cu ta biba P’ariba di Brug y
tambe den Playa. E causa no ta conoci
pero si tin factornan di risico cu por tin
influencia manera e.o edad, genetico
y raza. Pa mas informacion riba cancer di prostaat por tuma contacto cu
Fundacion Contra Cancer di Prostaat
y Koningin Wilhelmina Fonds Aruba.
Por pasa na e Centro di Informacion
na Spinozastraat 9 of bel na 5820412.
Tambe por bishita nos FaceBook page
Koningin Wilhelmina Fonds Aruba.