E-Vespertino Edicion 27 di November 2013 | Page 11

Debate entre hobennan dilanti Pareha Real tabata
excelente. Cu masha ardor y nan a defende nan vision
ORANJESTAD- Un debate
entre hobennan di Parlemento Hubenil y Universidad di Aruba tabata parti
di e programa presenta na
Rey Willem-Alexander y
Reina Maxima durante nan
estadia na Aruba. Esaki a
tuma lugar den Sta. Theresita Centre na San Nicolas
riba e prome dia di e bishita oficial di e Pareha Real.
E hobennan a prepara nan
mes bou guia profesional
di entre otro Peter van der
Geer, Eric Meijts y Yolanda
Richardson. Puntonan importante den un debate ta
pa trece argumentonan bon documenta dilanti, cla
y convenciente. Pa
gran parti ta bay pa
e forma di debati,
pero ta obvio cu e
contenido tambe ta
relevante.
E hobennan a laga
e sala gosa di un
tremendo presentacion. E topico
fundamental di e
debate cu e Pareha Real, Goberna-

dor Refunjol, Minister Plasterk, Prome Minister Eman
y un sala yen di studiante,
mayor, invitado, prensa local y internacional a presencia tabata ‘Con bo ta wak
Aruba aki 20 aña’. Di aki
Team A y Team B a scoge
dos tema pa nan a debati riba nan. E temanan, cu
no tabata conoci te na momento di a presenta nan,
tabata ‘Haci di San Nicolas
un centro Universitario’ y e
otro ‘Un Aruba sostenibel
haciendo uso di nos recursonan natural’. E debate a
bay den e idiomanan Ingles

y Hulandes. Moderadornan
di e debate Esther Gomez y
Ruelle Wester a haci un trabou perfecto. Si e hobennan
tabata un poco nervioso na
cuminsamento, durante e
ardor di e debate nan a surpasa esaki y a defende cu
masha pasion nan vision.
Argumentonan tabata bay y
bin y na final ambos team
a felicita otro cu nan idea y
vision y e forma con nan a
wordo presenta. E organisadornan por mira bek riba
un presentacion exitoso di
nivel halto.
Sra.Richardson tabata ma-

sha satisfecho con cos a bay,
mescos Tracey v.d. Biezen,
kende a coordina e proyecto aki. “E debate a bay tremen-do. Un pabien na e hobennan cu a tabatin e gana
y ‘guts’ pa debati dilanti
nos Rey Willem-Alexander
y Reina Maxima”. Tracey a
bisa cu e hobennan a haci
un trabou magnifico. Sinta
banda di Minister Plasterk
y cerca tambe Pareha Real,
Tracy a haya reacionnan
positivo di nan tur. Sigur pasobra cu ta e momento ey e
teamnan a tende kico tabata e tema di debate di nan
oponente. “Mi a haya
un sentimento masha
dushi mes ora mi a
tende e visionnan di e
hobennan. E intencion
di e debate aki ta pa
e hobennan vocifera
con nan ta mira Aruba
aki 20 aña pa nos Rey
y Reina, pero tamb e
pa Minister President
Mike Eman pa asina
e visionnan aki wordo
tuma den consideracion y crea algo bunita
pa Aruba den futuro”.

E-Verspectivo.com

11