E-Vespertino Edicion 26 di September 2013 | Page 8

Spiraal rotonde ta conecta Green Corridor cu Ringweg #3 y Linear Park ORANJESTAD – Minister di Infrastructura, Benny Sevinger tabata presente na inauguracion di e spiraal rotonde y cu satisfaccion a dirigi su mes na e grupo cu a asisti na e apertura oficial. E evento a tuma luga dialuna atardi y a conta cu presencia di un grupo di representantenan Consular teniendo na cuenta cu e rotonde ubica dilanti di aeropuerto ta dedica na e union di nacionnan y e fraternidad cu nos isla ta comparti. Minister Sevinger a papia di con e rotonde aki ta un pieza maestro den plan BoAruba caminda ta conecta tres proyecto di gran importante manera Green Corridor te San Nicolas, e Ringweg 3 cu ta bay pa area di hotelnan y Linear Park. Tambe a duna splicacion di 8 e proceso di su diseño y tambe con a dicidi pa homenahea e paisnan cu cual nos ta mantene un relacion estrecho. “E rotonde aki ta e comienzo di nos Green Corridor y tambe ta e conexion cu e ringweg cu ta conecta San Nicolas cu e area di e hotel. Aki ta ricibi e mas di un miyon di turista cu ta yega y e miyones cu lo yega den futuro,” Sevinger a bisa splicando con ora el a wordo diseña a pensa con pa dun’e otro bida cu djis e trafico cu mester pasa rond di dje. “A wak e concepto di duna un bon bini na nos bishitantenan pa medio di nan bandera.” Di e manera aki, a uni e parti turistico cu e E-Vespertino.com parti di integracion, pa medio di e colonianan cu ta biba na nos isla. “Tur e ministerionan a traha riba e proyecto aki.” Minister Sevinger a splica cu a pone 34 bandera incluyendo esun di Aruba y Aruba su logo oficial y e otro paisnan cu no por a wordo inclui, ta wordo representa pa e bandera di Nacionnan Uni. E mandatario a remarca si mester pone un bandera en particular di un pais cu no tey regularmente, semper por haci esey. Finalmente Minister Sevinger a felicita su colega Premier Eman como tambe Minister Otmar Oduber, Ing. Jossy Figaroa y su ekipo di Departamento di Obranan Publico, como tambe Aruba Airport Authority ya cu tur tabata socio clave den realisacion y exito di e proyecto aki. Spiraal Rotonde y e beneficionan practico y simbolico cu e ta trece cune, ta pone nos pais un stap mas dilanti den e caminda pa bira un pais y un destino di nivel halto manera cu Gabinete Mike Eman semper a desea.