E-Vespertino Edicion 23 di September 2013

Carta abierta na hubentud di Aruba y na first-time voters FIESTANAN, ORGANISA DOOR DI E GOBIERNO AKI, PA ABO TAMBE, HOBEN Y FIRST-TIME VOTER, NO POR TAPA E SITUACION FINANCIERO DEPLORABEL DI NOS PAIS. RAPPORT FINAL DI IMF TA HOPI CLA. Hoben y first-time voter, faltando apenas 10 dia pa abo tambe, cu bo voto bay yuda dicidi riba futuro di bo pais y di bo famia, bo ta realisa bo mes, y bo ta consciente di e situacion financiero deplorabel di nos Pais Aruba? Posibelmente pa tradicion of pa amistad, bo tambe ta inclina pa dia 27 di september proximo, sea un biaha mas, of pa prome bez, duna bo voto na e partido na mando AVP, y asina yuda duna continuacion na e gobierno actual. Mi ta sigur c u abo tambe, como ciudadan o c r i t i co, mester por a tuma nota di e diferente opinionn a n profesional encuanto e situacion ey. Despues cu anteriormente Standard & Poor’s, Fitch Rating, y e propio minister pa asuntonan di Reino, sr. Ronald Plasterk, ya a constata e situacion deplorabel aki, y cu IMF den su rapport preliminario ya caba a toka e asunto aki, den su rapport final di augustus 2013 IMF a papia un idioma mas cla, y mas especifico. E situacion alarmante y deplorabel aki, IMF den algun palabra a recapitula den punto 16 riba pagina 11 di su rapport final, cu ta bisa textualmente: “Aruba should aim to finance its renewable energy and other future growth initiatives sustainably. Aruba’s external debt at around 105 percent of GDP is very high.” 6 E-Vespertino.com Tristo ta, cu ora, na ocasion di entrega di lista di AVP riba diabierna di 9 di augustus ultimo, un periodista a puntra sr. Mike Eman su opinion riba e 105% aki, sr. Eman tabatin e pudor di contesta cu e no sa di cua 105% e periodista tabata papia! E debe externo di Aruba di 105% di nos GDP, ta bay man den man cu e deficit presupuestario actual di Pais Aruba di minimalmente rond di 9%. Pone e dos cifranan aki hunto cu nos taza di desempleo di rond di 10% (aunke ya caba ta ser papia di 15.000 desempleado!), anto un prome minister, cu mester tin e bienestar di su pais na pecho, ta esun prome yama pa ta preocupa! Minister pa Asuntonan di Reino, Ronald Plasterk, ya caba a vocifera su preocupacion riba nos situacion financiero. Nos no mester keda nada straño, ora e dia yega cu no ta keda Hulanda nada otro cu pone pais Aruba bao di curatela, pa motibo di un maneho criminal di e gobierno riba tereno financiero! Un gobierno cu pues no merece bo confianza! E gobierno aki ainda ta organisando “uitjes” y fiestanan, y tur otro clase di entretenimentonan, pa kita atencion for di e situacion aki. Den e poco dianan cu ta resta pa e elec- c i on dia 27 di september, e miras di e gobierno aki lo keda enfoca unicamente riba tal eleccion, pues na unda NO ta ser tuma n a considerac i o n locual ta spera Aruba y su Pueblo den futuro. Hoben, first-time voter, ainda tin tempo pa bo sera conoci cu e programa y e puntonan di accion di nos partido Union Patriotico Progresista – U.P.P., cu ta ensera un intento honesto pa salba NOS Aruba, pues E ARUBA DI ABO TAMBE! Si bo por identifica bo mes, y ta di acuerdo cu nos pro- grama y nos puntonan di accion, pero e cultura di miedo bao di e gobierno aki, cu lo a afecta bo persona tambe, ta strobabo di sostene nos partido publicamente, y si e miedo ey ta ponebo hisa e bandera berde, sea na bo cas, of na cas di bo mayornan, laga e bandera waya numa; pero ora bo ta bo so den e “stemhok”, bo so cu bo consenshi, bo so cu e imagen di bo yiunan bo dilanti, laga e Man y e Inspiracion di Dios guiabo pa bo vota na bienestar di Aruba en general, y no na bienestar di privilegiadonan. Mi ta invitabo pa subi nos Website w w w. u p paruba. com pa nos programa y nos puntonan di accion, of comunica cu nos via nos e-mailnan upp. unista@ gmail.com of uppprogresopaaruba@ gmail. com pa cualkier informacion, of hasta pa un eventual cita. ABO, hoben y first-time voter, abo tambe ta co-responsabel pa futuro di nos pais, pues futuro tambe di BO descendientenan. Carga e responsabilidad ey cu dignidad, y laga bo consenshi guiabo! Den nomber di Union Patriotico Progresista – U.P.P. Candelario – Booshi – Wever, Lider U.P.P. september 17, 2013

E-Vespertino Edicion 23 di September 2013 | Page 6