E-Vespertino Edicion 23 di September 2013 | Page 4

“Mi ta masha contento di ta bek na Aruba pa inauguracion di e veld di futbol pa e bario di Brasil” Diabierna atardi prome cu e apertura oficial di e cancha di yerba artificial pa mini futbol na Centro di Bario Brasil, ex-hungado di seleccion Hulandes, e conocido Aaron Winter a tene un clinica di futbol pa e muchanan di e ekipo di Brasil Jrs. Hunto cu KNVB, di cual Winter ta forma parti den e proyecto di comunidad “coachnan di bario”, e ex-futbolista profesional a bin Aruba specialmente pa apertura di e veld di futbol. Winter a bisa cu e ta masha contento di por ta bek na Aruba y sigur e motibo pa cual el a bini esta inaugura un veld di futbol nobo pa Brasil. E veld di futbol di Centro di Bario Brazil tabata resultado di un cooperacion entre Gobierno di Aruba, KNVB y e compania Phillips cu percura pa e luznan di e veld. Sr. Winter a elogia e trahadonan cu den un tempo record, no menos cu tres siman a keda cla cu e tereno di futbol. Tambe el a indica cu awor e muchanan di Aruba a haya un tereno di futbol mas pa asina nan por practica nan deporte faborito riba dje. Por ultimo Winter a bisa cu despues cu el a entrena un ekipo na Canada, e ta wardando un oferta di un club di futbol pa asina e por coach riba veld atrobe. Pero pa awor, e lo fungi como embahador di KNVB den e proyecto ‘coachnan di bario’. Orario di servicio di Selimar pa diabierna amor dia di eleccion Recohemento di sushi lo inicia 12’or di madruga pa e ruta normal di diabierna, según Serlimar ta informa na comunidad. Esaki debí cu diabierna awor lo tene eleccion pa Parlamento. Corda pone barinan na tempo pafor di cae pa ser recohi. Dom na Parkietenbos 4 E-Vespertino.com lo ta habri di mainta seis’or pa dos’or di atardi riba diabeirna. Tur esnan cu tin un minicontainer mester zorg pa saca esakinan e anochi prome cu diesun’or di anochi. Serlimar ta agradici tur cooperacion extendi na nan hendenan cu lo recohe sushi.