E-Vespertino Edicion 23 di Augustus 2013 | Page 10

Juan David Yrausquin riba programa di partido AVP: E escencia ta pa converti e desaroyo economico di proximo cuatro añanan pa trece bienestar di un y tur

ORANJESTAD – Parlamentario di AVP Juan David Yrausquin diahuebs mainta a duna un splicacion breve di loke ta e programa di partido AVP ta encera. E splicacion aki a bini prome cu e ceremonia unda tur e 29 candidatonan riba e lista berde, a firma nan compromiso pa cu e programa di partido, unabes cu esaki haya aprobacion di Congreso di Partido. E programa di partido, Yrausquin a cuminsa na splica, ta un documento masha importante pa AVP. “Nos ta biba den un pais democratico y como partido nos ta pone prioridad riba e parti democratico.” AVP tin mas cu 25 mil miembro registra, cu ta e voznan mas halto di e partido, ya cu “na final di dia ta nan ta dicidi rumbo y direccion di nos pais”. Pesey loke partido ta hiba Congreso ta un

proposicion na e miembronan y pidiendo pa e wordo aproba. Durante e anochi aki, miembronan por trece resolucion y hasta por pidi pa haci cambio den e programa “pasobra nos ta un partido di pueblo y ta pueblo ta dicidi unda e pais ta bay”. E politico y candidato di AVP a menciona cu e prioridad number uno durante e ultimo eleccion tabata pa atende cu e crisis financiero economico cu a haya cu tabata uno hopi grandi. “Ta sumamente impresionante cu ora nos repasa e programa di ultimo eleccion y mira con mayoria di e puntonan a wordo cumpli cu nan. Nos ta un partido cu loke nos bisa nos ta haci tambe. P’esey e programa ta asina importante.” El a recorda cu na 2009 – 2010 Aruba a confronta un

crisis unda cu economia a cay cu 15%, mientras cu awo na 2013 tin crecemento economico y confiansa den e pais y perspectiva pa mehoracion. “Awor den e programa di 2013-2017 nos kier consolida e crecemento economico aki cu ta wordo proyecta, concretisa e diversificacion economico cu su base a wordo poni, percura pa stabilidad den impuestonan.” Un otro compromiso cu partido AVP lo bay

asumi ta e reto pa balansa e presupuesto, percura pa confiansa den futuro di Aruba. E esencia di e programa ta pa converti e desaroyo economico cu ta bay wordo realisa den e proximo cuatro añanan y trece bienestar pa cada un di e ciudadanonan. “Esey ta nos compromiso cu nos ta bay pidi e confiansa di nos miembronan diasabra awor.”

Riba caminda di Bubali altura di Bubali Comercial Center un accidente di auto a sucede diahuebs atardi unda aki un hyundai van a dal tras di un ford pickup. Polis di trafico a presenta na e sitio y a constata cu

Chauffeur sin rijbewijs auto sin seguro ta accidenta tras di otro

e chauffeur cu no a midi su distancia y velocidad for di e pickup cu e la dal su tras e no tin ni rijbewijs, y e auto ni seguro. Polis a tuma e auto aki den beslag te ora cu e presenta cu e documentonan oficial.

Diahuebs mainta pa 11’or di mainta alarma di candela a activa na Banco di Central Aruba y aki e alarma a activa na e meldkamer di 911. Di biaha a despacha truck for di Tanki Flip y un di Oscar pa e sitio. Aki e bomberonan a drenta accion rapidamente pone nan slang y drenta accion pa un candela na e di dos piso di e edifico y un persona pega paden. OVD di Cuerpo di Bombero Sr. Gabriel Kelly tambe a presenta na e sitio. Sr. Kelly a comenta den un entrevista cu den theoria ora di un proyecto cu

Alarma di candela na Banco di Central tabata un training cu Cuerpo di Bombero

wordo haci na Aruba, nos seccion di prevencion ta duna conseho preventivo. Hopi biaha den practica bo ta ripara cu cierto cosnan no ta ideal. Bo por haci cambio y pa haci esakinan ta rekeri un gasto. Na Banco di Central tabatin tubonan instala cu ta drogeleiding pero nunca nan no a wordo buta den precion for di tempo cu e banco tabata den funcion y den e preparacion pa e trainig aki a haci uso pa testnan y wak si berdad si nan ta den funcion manera mester ta y esaki a bay bon.

Den e senario aki na Banco di Central a yena un seccion cu basta huma y nan tin e sistemanan di vigilancia y smoke detector y e personal ta haya e alarma y aki a evacua e trahadornan. Tur cos a bay bon pa cu e training aki. Y aki a

busca un victima pa keda atras y bomberonan a actua liher y saca e persona y domina e supuesto candela. Sr. Gabriel Kelly tur cos a marcha bon pa cu nan personalnan tambe y e coneccion cu tabatin a bay basta bon.

10

E-Vespertino.com