Public Relations Directie Natuur
en Milieu: Directie Natuur en
Milieu ta observa dia
International di Mondi y tur Mata
Dia 21 Maart ta dia
International di Mondi
y tur Mata. Nacionan
Uni su Asamblea Genereal a declara na
December di 2012 cu
cuminsando na 2013
e fecha aki di tur aña
e miembro estadonan
lo observa e fecha aki
como “International
Day of Forrests and
the Tree”. Di parti di
Directie Natuur en
Milieu (DNM), departamento
gubernamental encarga cu e
maneho di Naturalesa y Medio Ambiente nos kier a concientisa pueblo ariba
e fecha importante
aki pa futuro generacion. Matanan y areanan grandi cu mata
(mondi) ta sostene
2
E-Vespertino.com
nos y proteha nos,
asina duna aire limpi
y awa, salvaguardiando e biodiversidad
y asina tambe yuda
contra e fenomeno
di cambio di clima.
Pa hopi hende tambe
mata ta prove cuminda y trabow. Ta keda
na nos pa mantene y
proteha nos mondi y
su matanan- nos futuro ta depende di
esaki. DNM ta encurasha pueblo di Aruba
pa e dia aki hunto cu
bo famia, grupo di
amigo, organizacionan, compania, I of
grupo social pa planta un mata. Tambe lo
ta di importancia pa
refleha ariba e dia y
puntra nos mes “Ta
necesario pa capmen-
to di mata of rosamento di tereno den
totalidad?”.
Tambe
puntra: “Cua por ta e
concequencia di esaki
pa nos ecosystema I
biodiversidad?”
DNM kier a enfoca e aña aki ariba
e matanan di mangel. Aunque cu Aruba
su clima ta uno hopi
seco, nos naturalesa
ta uno hopi varia. No
ta cadushi y tuna so
bo ta haya den nos
naturalesa. Den nos
naturalesa bo ta encontra areanan yena
cu matanan di mangel. E areanan cu
hopi mangel aki nos
por bisa nan ta cumpli
cu e definicion di un
“forrest”, cu ta un
area cu un densidad
grandi di mata. Pesey
na Aruba nos ta considera nos areanan
di mangel como areanan unico y importante cu nos mester
proteha y conserva.
Mangelnan tin varios
funcion y esakinan ta
entre otro: yuda cu
e reduccion di CO2,
proteccion y escondite pa fauna, atrapa
sedimentonan cual lo
yuda pa proteha nos
coralnan,
mantene
y crea suelo, y lugar
pa reproduci di varios
especie marino y terrestre. Pa nos fauna
marino e mangelnan
ta di sumo importancia mirando cu varios
bestia ta pone webo
den e areanan aki
of nan yiunan ta usa
e mangelnan como
lugar pa nan sconde
y crece. Despues cu e
yiunan bira mas grandi nan ta bandona e
mangelnan pa bay
biba riba e rifnan mas
pafo di nos costanan.
E biodiversidad cu bo
ta haya den e areanan di mangel ta uno
di esunnan di mas
halto na Aruba. E importancia di matanan
di mangel ta grandi y
pesey nos tur mester
juda pa cuidanan.
Adhunto cu e articulo
aki por mira un bunita
photo di nos matanan
di mangel na Aruba.
Tambe e logo di United Nations e aña aki
pa cu e celebracion di
e dia.