Ministerio di Husticia ta ofrece curso di Penitentiair Recht na trahadonan di KIA
ORANJESTAD: Nos leynan pa loke ta trata e sistema penitenciario ta basa riba tratadonan internacional. Casi shete aña pasa Staten a aproba un ley nobo pa loke ta trata leynan cu ta aplicabel den nos sistema penitenciario cual no a wordo introduci ainda, Minister di Husticia y Enseñansa mr drs Arthur Dowers ta splica. Cu e introduccion di e curso nobo pa cuidado di preso (penitentiaire inrichtingswerker), cual a wordo renoba y ofreci despues di hopi aña atrobe bao maneho di Minister Dowers, a dicidi di duna les tambe den e ley nobo aki. E empleadonan nobo, kende awo ta den
periodo di stage trahando den KIA, a ricibi e informacion aki durante di nan opleiding y pa tur hende ta riba un linea, Minister Dowers a aproba pa durante ora di trabao e empleadonan cu ta trahando caba den KIA atende un curso cu ta trata contenido di e ley aki den detaye. E curso aki a cuminsa dialuna y ta wordo facilita pa Carmen Tromp. E ley ta wordo prepara pa su introduccion den futuro cercano y Minister Dowers ta haya esencial pa tur penitentiaire inrichtingswerker ta bon informa tocante e ley prome cu su introduccion. “Ta sumamente importante pa tur hende ta al tanto di e contenido di e ley nobo” y ta percurando pa tur hende sigui e curso aki, Minister Dowers a subraya. E ley falta diferente areglo pa “rond af”, cual ta den proceso actualmente pa prepara pa e ley su publicacion y oficialisacion. Minister Dowers a comenta di-
aluna cu e empleadonan cu tin basta aña di experiencia trahando den KIA, cu nan “input” y opinion ta wordo aprecia durante e curso. E titular di husticia a añadi cu pa loke ta trata e codigo penal nobo, ainda esaki tambe falta algun areglo, cual ta den proceso tambe pa prepara pa su publicacion. Carmen Tromp a splica e cursistanan cu ta hopi importante semper pa haci un “refreshment”, unda cu ta trata topiconan importante den cualkier trabao, añadiendo cu cosnan ta cambia na caminda. Den e caso aki sigur ta necesario pa tur hende tuma e curso pa por traha den miho coordinacion. E curso pa peniten-
tiaire inrichtingswerker ta diferente y modernisa, compara cu e ultimo cursonan cu a wordo ofreci basta aña pasa, segun Tromp. Esaki ta haci di sumo importancia pa e personanan cu experiencia, kende sa di e trabao y actualmente ta brinda guia na e trahadornan nobo, pa nan tambe tuma e curso di Penitentiair Recht. Asina ta sigura cu e trahadonan experencia ta duna e guia y ta haci e control di trabao manera mester ta. E curso ta wordo duna na un forma interactivo, unda cu e trahadonan ta ricibi informacion y intercambia tanto tocante e tratadonan internacional, como tambe e leynan local cu ta basa riba e tratadonan aki.
Giants Baseball Organisation ta orguyoso di Xander Bogaerts
renombra den un di e clubnan di baseball cu mas historia na mundo. Pa e motibo aki Giants Baseball Organisation ta hopi contento di tende e bon noticia cu Xander Bogaerts a subi pa Major League Baseball y cu awor después di 4 anja atrobe Aruba ta conoce un Arubiano den Baseball profesional. Muchanan di Giants ta sumamente contento di por wak awor na televisión un Arubiano cu nan conoce di serca. Na November di anja 2011 e muchanan di Giants Baseball Organization tabata tin e oportunidad di a conoce Xander personalmente ora cu Xander a tuma tempo pa bin tereno di baseball di e organisación di Giants pa asina entrena e muchanan hunto cu Shawn Zaraga. Giants Baseball Organization ta desea Xander tur clase di éxito
Un deportista ehemplar semper ta causa e impacto serca esnan mas hoben, sigur ora ta trata di 4
muchanan cu den pasado a encontra cu e deportista aki sin sa cu un dia elo bira un hungador profesional
E-Vespertino.co