Minister Otmar Oduber ta lamenta profundamente
Evelyn Wever Croes no tin interes di e clase trahado na pecho y a bolbe laga nan na caya
Den cuadro di e temporada electoral cu ta den porta, ‘Association of Human Resource Aruba’ a realisa un forum riba e tema “Aruba su situacion laboral, retonan di awe y plan pa futuro”. Pa e forum politico aki a invita representantenan di partido AVP , MEP y PDR, caminda Minister di Labor y politico riba e lista di AVP Otmar Oduber a sa di representa e partido berde dignamente. Minister Otmar Oduber a indica di a keda hopi satisfecho cu e recepcion cu tabatin, unda cu e forum a contribui na brinda mas informacion pa cu e propuestanan di e otro partidonan den preparacion pa dia 27 di september. Loke Minister Oduber ta lamenta hopi mes ta cu un bes mas e lider di partido MEP ta defrauda e clase trahado aki na Aruba.
Durante 5 diferente ocasion den Parlamento e lider di MEP no tabata presente pa e discusionnan y diasabra atrobe no a participa cu pueblo durante e forum organisa pa un instancia asina importante manera AHRA. AHRA a organisa un momento pa cada politico y fraccion trece nan puntonan pa dilanti y asina mes lider di fraccion di MEP a dicidi pa nenga su presencia na ultimo momento pa evita discusionnan y 2
ta mustra di no tin e clase trahado na pecho. Por lo menos MEP a pensa pa manda Sr. Ady Thijsen pa representanan. E preguntanan cu a bin dilanti ta preguntanan al caso, cu no tabata dirigi riba e leynan laboral, pero mas aun riba forsa laboral en general aki na Aruba. Minister di Labor Otmar Oduber a keda sumamente impresiona cu e organisacion y ta manda palabranan di felicitacion pa AHRA.
e-vespertino.com