A instala directiva nobo di Scouting Aruba
John Hessen ta na cabes di e movemento scout na Aruba
Ceremonia special pa instalacion historico
ORANJESTAD, Aruba – 1 di september 2013: Cada tres aña Scouting Aruba, cu tin como tarea pa dirigi e organisacion completo. Diasabra atardi a tuma luga un ceremonia riba Linear Park, unda a instala e directiva nobo, hunto cu dos “buitengewone lid” cu lo sostene e trabounan den e directiva. Esaki a sosode dilanti Minister di Husticia y Enseñansa, mr. Drs. Arthur Dowers y tambe demas invitadonan. E directiva nobo di Scouting Aruba ta consisti di John Hessen como Hoofd Commissaris, Thomas (Tommy) Eramsus como Hoofdkwartierscommissaris “Operations”, Luigi Heredia como Hoofdkwartierscommissaris “Finansa”, Lizmarie Flanegin como Hoofdkwartierscommissaris “Training & Vorming”, Sharline Geerman-Rodriquez, Pader Jairo Maduro como “Chaplain” y Patrick Paskel como Relacionista Publico. Heinrich Johannes Hessen, mihor conoci como John Hessen, a drenta scouting na aña 1971, como Welp, den grupo Santanero di Dakota. Cu 12 aña di edad el a bira Verkenner y ora e tabatin 18 aña, el a bira 2
Voortrekker y tambe e la fungi como Vaandrig den Troep di Santanero Groep. Na edad di 21 aña el a bira Hopman y na edad di 25 aña el a wordo instala como Groepsleider di Santanero Groep. Despues cu John Hessen a fungi 5 aña como Groepsleider, a nombr’e como Hoofdkwartierscommissaris Algemene Dienst di Vereniging de Arubaanse Padvinders. Despues cu a funda Scouting Aruba, John Hessen a nombr’e como Hoofdkwartierscommissaris Training & Vorming, cual funcion el a ocupa te diasabra. Durante su carera den scouting, John Hessen a
funda varios grupo, manera Grupo Kimball O’Hara, e ta co fundado di Grupo Scout Sonrisa, el a funda Grupo Abel Tasman di Zeeverkenners, cu algun aña pasa tabata reuni den Marinierskazerne na Savaneta y recientemente John Hessen a funda Grupo Monsegnieur Oscar Romero, hunto cu Pastor Jairo. Esaki ta e gru-
po nobo di Scouting Aruba cu ta bao guia di Axcel Figaroa. Na aña 1999 John Hessen a ricibi e Koninklijke Onderscheiding, como Lid in de Orde van Oranje Nassau, como reconocimento pa su trabaonan boluntario na comunidad di Aruba. John Hessen a studia pa maestro di scol y actualmente e ta Inspecteur-Generaal van het Onderwijs. E movecion scout ta existi desde aña 1907 ora cu Lord Baden Powell a cuminsa cune 106 aña pasa y cu lo keda existi pa semper pasobra “Once a Scout, Always a Scout”. A funda Scouting Aruba dia 23 di April 2000 despues cu 4 organisacion scout a uni y forma un solo organisacion. Scouting Aruba a logra afilia na Interamerican Scout Organisacion (ISO) cu ta miembro tambe di World Scout Organization esta WOSM.
E-Vespertino.com