E-Vespertino Edicion 19 di September 2013 | Page 2

ORANJESTAD – E anuncio di e proyecto di mudamento di waf ta sostene e perspectivanan economico positivo pa e añanan nos dilanti. Despues di dos luna di a drenta den funcion, e gabinete actual, bou liderazgo di Mike Eman, a presenta su vision pa muda e waf di container pa Barcadera separando asina transporte di carga y transporte di hende pa un miho desaroyo di ambos componente. “Awe Barcadera Multi Cargo Terminal ta un hecho,” minister di Finanzas, Comunicacion, Utilidad y Energie, ing. Mike de Meza a declara den un conferencia di prensa. E terminal nobo na Barcadera lo contribui na desaroyo di nos infrastructura y lo sirbi como inyeccion di capital den nos economia pa asina garantiza un crecemento sostenibel y sigur den e añanan nos dilanti. “Pa mas cu 50 aña a purba separa transporte di carga y transporte di hende den dos area fisicamente distancia for di otro, pero semper a wordo frena door di gastonan disproporcional, retonan grandi y aspectonan huridico”, minister Mike de Meza a splica. E proyecto aki a

Barcadera multi cargo terminal ta fortalece pilar economico nobo
wordo inicia door di directiva di Aruba Ports Authority cu sosten incondicional di Gobierno di Aruba. “E condicionnan cu gobierno a pone tabata simpel: e proceso mester a tuma lugar cu pleno transparencia y den un forma adecua, semper respetando APA su team di maneho y hunta di comisarionan.” Minister Mike de Meza a sigui elabora. “Cu hopi satisfaccion representando e unico accionista di e empresa estatal aki mi por mira atras riba un proceso unda cu no tabata tin discucion politico.” Na aña 1986 nos waf y aeropuerto tabata relativamente nobo y nos careteranan por a suministra transporte pa rond di 60.000 habitante cu Aruba tabatin e tempo ey. E vision di Gabinete Mike Eman na 2009 tabata pa hisa nivel di nos infrastructura y tambe di e areanan publico pa asina esakinan por sirbi di sosten pa un economia di 5 strea. „E proyecto di Barcadero Multi Cargo Terminal ta di sumo importancia pa e desaroyo di nos economia, pero tambe e desaroyo di nos infrastructura y calidad di bida aki na Aruba” Minister Mike de Meza a splica. E area actual di waf di container na Oranjestad lo ser desaroya den un area publico cu lo sostene e desaroyo di sector turistico. „E mercado di cruiseships lo hiba espacio y oxigeno pa crece,” minister Mike de Meza a bisa. E hecho cu transporte di cargo ta wordo concentra na Barcadera, ta crea mas espacio fisico pa mas actividad economico, manera entre otro freezone. “Gobierno di Aruba a haci cambionan necesario den e regimen di zona franca cu nos conoce, unda a reduci e facility charge y a flexiblisa e regulacionan pa hasi actividadnan for di freezone. E freezone di Aruba manera nos conoce ta birando un zona franca moderno, cu lo contribui na e competitivid a d regiona l d i Arub a ,” segun Minister di

Finanzas, Comunicacion, Utilidad y Energia, Mike de Meza. Mudamento di e terminal di cargo pa Barcadera ta un movemento den e direccion positivo pa desaroyo di nos infrastructura. Sinonimo di e mudamento di e terminal di cargo pa Barcadera ta implica construccion di e ringweg rond di Oranjestad. “Esaki lo nifica mas flexibilidad den e plan di mobilidad di Aruba y ademas lo elimina congestionamento di trafico den combinacion cu Green Corridor,” minister Mike de Meza a bisa.

“Nos ta bibando den temponan interesante”, minister Mike de Meza a bisa. Mudamento di waf di cargo pa Barcadera ta fortalece e iniciativanan di Gobierno pa establece un pilar economico cu lo hiba Aruba pa bira un business gateway den e industrianan di conocemento, tecnologia y servicionan unda e sector di energia berde local lo sirbi como catalisador di tur e iniciativanan aki participando den e crecemento economico actual di Latinoamerica.

2

E-Vespertino.com