ORANJESTADMuchanan di e bario di Brasil y bisindario ta entusiasma den e dianan aki mirando cu e cancha di mini futbol cu Gobierno di Aruba hunto KNVB a traha ta den su fase final. Ya no falta mucho cu nan por hunga riba esaki. No menos cu tres siman pasa, Prome Minister Mike Eman hunto cu coleganan Minister Sevinger y Minister Visser como tambe representante di e federacion mandre di futbol na Hulanda, KNVB a anuncia cu ta bay traha un cancha di mini futbol pa e muchanan den e bario di Brazil y bisindario por disfruta y praktica e deporte tan gusta bou di nos
hubentud cu ta futbol. Awe tres siman despues e cancha di mini futbol na Centro di Bario Brasil ta cla pa wordo inaugura. Un cancha di futbol cu a keda masha bunita mes. Gobierno di Aruba ta consciente cu e desaroyo deportivo di nos hobennan ta algo importante y esencial. Esaki lo yuda eleva e desaroyo di un pais riba varios nivel. Hobennan cu practica deporte ta crece cu mente y curpa sano. Deporte tambe ta incentiva hobennan pa logra metanan y preveni hopi biaha experimentacion cu cosnan negativo. Organisacionnan deportivo y centro-
nan di bario di Aruba tin e tarea importante di forma hobennan den un bon direccion y tur hende ta consciente di esaki y sigur e Gobierno aki. Den e caso di e proyecto di e mini
cancha di futbol na Brasil, e mehoracion di e facilidadnan deportivo ta resultado di e union di esfuerso entre sector publico y priva. Esaki ta e formula exitoso cu Gabinete Mike Eman a bin ta
implementa ya for di algun aña caba pa duna un manera na e diferente organisacionnan deportivo rond di Aruba. Diabierna awor e cancha di mini futbol na Brasil ta wordo inaugura.
Cancha di mini futbol na Centro di Bario Brasil den su fase final
8
E-Vespertino.com