E-Vespertino Edicion 17 di Februari 2014 | Page 11
EVELYN WEVER-CROES: PABIEN
Y EXITO NA DIRECTIVA NOBO DI
CAMARA DI COMERCIO
“Tres dama profesional y bon prepara den
directiva, mi ta hopi
orguyoso di esey”
Siman pasa Camara di
Comercio a organisa
un evento pa sera
conosi cu e miembronan nobo di directiva.
Nan ta e presidente
nobo sr. Omar Tromp,
cu a tuma e lugar di
sr. Jamal Khan, y dos
dama sra. Julissa Arends Hoevertsz y sra.
Daphne Agius Cesareo-Lejuez.
E dos damanan aki
hunto cu sra. Lindsey
Wever ta forma tres
hende muher den e
directiva cu ta consisti di total 9 persona.
Un directiva cu tin e
tarea importante di
representa interesnan
di comercio na Aruba.
Den e temponan aki
cu e peso di finansas
publico mas y mas ta
wordo poni riba comercio, un representacion obhetivo y firme
ta sumamente necesario, segun lider di
MEP Evelyn WeverCroes.
“Tur tres dama ta
profesional y dinamico . Mi ta contento y
orguyoso di mira cu
mas hende muher ta
tuma e reto pa representa nan gremio y
mi ta sigur cu nan lo
hasi esaki hopi bon.
Mi ta spera cu nan por
ta un inspiracion pa
mas hende muher pa
tuma retonan nobo.
Nos comunidad mester di e participacion
activo di nos hende
muhernan.
Mi ta desea presidente sr. Omar Tromp,
y tur miembro di directiva di Camara di
Comercio hopi exito
y perseverancia den
nan mision”, Evelyn
Wever-Croes a finalisa bisando.
E-Verspectivo.com
11