E-Vespertino Edicion 16 di October 2013 | Página 3

Formador Eman ta ricibi team cu ta trahando
riba proyecto ‘Multi Funcionele Activiteiten’
Un proyecto cu ta den proceso di ehecucion
ORANJESTADDiamars
e
combersacionnan a sigui entre Formador Eman
y su team cu varios
instancia den comunidad. Ehecutivonan
envolvi den ehecucion di e proyecto
Multi Funcionele Activiteiten ‘MFA’ tabata
e siguiente grupo cu
a reuni cu Eman pa
duna un update y splicacion con e proyecto
aki ta andando. Pronto centronan di MFA
ta bay wordo construi na Noord, Savaneta, Paradera, Sta.
Cruz y San Nicolas.
Eman a señala cu e
proyecto di MFA tin
hopi aspecto di relevancia pa loke ta e

tarea cu formador a
haya di gobernador. E
proyecto di MFA cu a
wordo aproba dor di
Parlamento ta encera
un inversion total di
22 miyon loke sigur
ta dun’e un aspecto
economico.
“Construccion di e edificionan aki ta bay tin
su impacto positivo
riba e desaroyo economico pa e siguiente
aña”, Eman a splica. E
prome edificio di MFA
cu ta bay construi ta
esun di Noord y e intencion ta pa durante
2014 y den cuminsamento di 2015 tur
edificio di MFA ta den
ehecucion. E periodo
di construccion ta di
mas o menos 1 aña.

Eman: “E obhetivo di
e MFA’nan ta pa mehora e servicio den e
barionan ya cu cada
MFA ta bay brinda
tur e servicionan cu e
hulpbestuurkantoornan ta brindando actualmente, pero den
un edificio multifuncional cu hopi mas
acomodacion y cu ta
mucho mas dirigi riba
e cliente”.
Un otro tarea cu
gobernador a duna
formador ta pa sigui
atende cu mehoracion
di calidad di bida di e
ciudadano. E edificionan di MFA ta concorda extactamente
cu e pensamento aki.
“Hopi di e espacionan
adicional cu ta bay

tin den e MFA’nan ta
destina pa nos hobennan. Den cada un
ta bay bin un bibioteca chikito, acceso
na computer, espacio pa hobennan haci
nan huiswerk tambe
pa recreo. Tur esaki
ta bay ta bou cierto
grado di supervision”,
Eman a splica. E
MFA’nan ta bay pone
atencion tambe na
nos grandinan. Nan
tin un espacio pa por
sinta den un ambiente agradabel y topa
cu otro.
Arkitectura di cada
MFA ta contribui na e
parti estetico di e bario
na unda e ta situa.
“Arkitectonan a wordo
scogi cu un cierto link

cu e bario y den e diseño a busca pa envolvi caracteristicanan di
e bario. Asina ta crea
mas identificacion entre ciudadanonan di
e bario y tambe mas
sentido di convivencia
y solidaridad”. Esaki
ta cuadra tambe cu
e tarea di formador.
Ehecucion di 5 edificio
di MFA sin duda tin un
impacto
economico
grandi, un impacto
social y tambe e impacto di mehoracion
di calidad di bida di
e comunidad y fortificacion di e lazonan
comunitario den e
barionan na unda e
MFA’nan ta wordo desaroya.

E-Verspectivo.com

3