Publico grandi na presentacion tocante
Federico Oduber na Cas di Aruba
Den Haag - Na Cas di Aruba
a tuma lugar awe dialuna 14
di october un presentacion
di Pedro Velasquez tocante
e poeta Arubiano Federico
Oduber. Den cuadro di e
aña actual proclama pa Gobierno di Aruba como “Aña
di Papiamento”, a organiza e encuentro special aki
den “Sala Padu” na Cas di
Aruba, unda cu e tantisimo
invitadonan por a scucha e
charla interesante aki ofreci
pa Pedro Velasquez. Presente boudi e publico tabara
2
E-Vespertino.com
escritornan Arubiano.manera dennis Henriquez, Quito
Nicolaas y Henri Habibe.
Minister Plenipotenciario sr.
Edwin Abath a yama tur invitado bon bini y a bisa di
ta contento pa mira un publico grandi asina. E mandatario a acentua e importancia cu Cas di Aruba ta
organisa presentacionnan
literario asina y di e manera
aki duna rehalce na nos idioma Papiamento. Sr. Abath
a lesa un email di Fundacion
Lanta Papiamento den cual
e directiva ta bisa di ta contento y honra cu dos di nan
miembronan, vice presidente Ramon Todd Danderé
y awor nan secretario Pedro
Velasquezs a haya e oportunidad pa duna un presentacion den Cas di Aruba.
E presentacion di Pedro
Velasquez cu ta hiba e titulo “E rebeldia estetico di
Federico Oduber” a duna
un analisis di e obra poetico
“Putesia” (1973), cual obra
e trece hopi conmocion den
e mundo literario di Papiamento. “Putesia” a
sacudi e tradicion
poetico cu tabata
existi na un manera di opina y figuracion poetico masha inusual.
Pedro Velasquez a
concentra den su
ensayo ariba e credo poetico, cu ta e
manera cu e poeta
ta pensa y sinti kico
poesia mester ta.
Den esaki segun sr.
Velasquez Fedrico Odu-
ber a mustra cu poesia no
ta unicamente bunita, pero
mester reprsenta diferente
aspecto den bida.
E poesia “Putesia”, ta yena
cu nocion ariba morto. Federico na un manera desespera ta identifica bida cu
morto. E ta nenga na kere
den un bida eterno segun
religion Cristian y e ta fulmina contra di e promesanan religioso aki.
Segun Pedro Velasquez,
Federico Oduber merece
mas reconocimento como
poeta den su mesun mundo
di Papiamento y tambe den
region y ariba nivel mundial.
Despues a sigi un discusion
di sr. Pedro Velasquez. Na
final di e programa sr. Alwin
Toppenberg a deleita e publico cu su musica, acompaña e.o. pa Pedo Velasquez
y Minister Plenipotenciario
Edwin Abath. Na e manera
aki Cas di Aruba a brinda un
bunita homenahe na e poeta Federico oduber.