Hobennan preparando pa presenta
un debate di nivel pa Pareha Real
ORANJESTAD- Hobennan,
miembro di Parlamento
Hubenil y di e ‘debating society’ di Universidad di Aruba ta den ensayo pisa pa
presenta un debate di nivel
pa Rey Willem-Alexander y
Reina Maxima durante nan
bishita na Aruba. E debate,
cu ta enfoca riba un Aruba
aki 20 aña, ta entre e hobennan ta parti di e programa brinda na Pareha
Real cu ta tuma lugar dia
20 di november na Santa
Theresita Centre na San
Nicolas na unda e expo
‘Show the King’ tambe ta
wordo presenta.
Diamars den oranan di atardi a tuma lugar ensayo
entre e hobennan di Parlamento Hubenil. E topiconan cu nan a debati riba
nan no necesariamente ta
e temanan cu ta bay wordo
plantea dia di e debate oficial mes. Loke a resalta ta
cu hopi atencion a bay pa
medio ambiente durante e
6
E-Vespertino.com
ensayo. Aparte di a defende
nan puntonan di bista bon,
e hobennan a trece solucionnan dilanti tambe.
E debate tabata varia den
tanto e idioma Hulandes
como Ingles. E programa ta
permiti esaki y por a ripara
cu e hobennan facilmente
tabata bay di un idioma
pa otro. E formato di e debate ta bon pensa y ta duna
oportunidad na cada hoben
pa trece su punto dilanti,
defende esaki cu ehempel
y echonan y na final yega
hunto cu otro na posibel
solucionnan. Moderador di
e debate ta Esther Gomez,
kende ta haciendo un tre-
mendo trabou den duna un
bon guia. Sra.Yolanda Richardson y sra. Angelique Peterson ta duna un man na e
miembronan di Parlamento
Hubenil den presenta un
debate na nivel halto pa
Pareha Real.