Hobencita Natalie Nathu contento di
por baila pa nos Rey y Reina como
tambe pa mil otro mucha
ORANJESTAD- E
actividad “movecion
riba musica” ta priminti di bira uno espectacular. Diahuebs 21
di november durante
e actividad di Royal
Jump Up tambe lo ser
presenta un parti cu
yama movecion riba
musica. Aki un grupo di diezdos mucha
muhe di klas 2 te cu
klas 6 di Pius X na Dakota lo presenta diferente baile pa un otro
grupo cu ta consisti di
mas cu mil otro mucha. Un di e mucha
muhenan cu a haya
e honor pa ta entre e
12 mucha muhenan
di Pius X School ta e
hobencita Natalie Nathu, un alumno klas
di 6B.
Natalie a conta cu e
ta masha orguyoso y
contento di por presenta un baile dilanti
mil otro mucha. E
mes ta forma parti di
un grupo di baile Kids
2 Kids, pero nunca el
a baila dilanti asina
hopi hende. E hecho
cu Su Mahestad Rey
Willem-Alexander y
Su Alteza Real Reina
Maxima ta presente pa mira esaki ta
haci’e mas special ainda. Natalie ta splica
cu hunto cu e otro 11
compañeronan nan ta
entrena pisa durante
ora di pauze bou guia
di meneer Leocadia.
Aunke nan tur ta un
tiki nervioso, Natalie
ta convenci cu hunto
cu su otro amiganan
di scol nan ta cla pa
presenta e baile mas
miho cu ta posibel.
Manera Natalie a finalisa bisando; “Nos
lo haci nos maximo
esfuerso pa demostra
e miho di nos mes”.
E-Verspectivo.com
3