“Nos ta orguyoso
di Aruba”
Hans Schutte, director general
Ministerio di OCW
ORANJESTAD – Un
reunion hopi fructifero Prome Minister
Mike Eman y su delegacion a tene na Hulanda cu Ministerio di
“Onderwijs, Cultuur &
Wetenschap”, durante cual varios tema a
wordo discuti, despues di un presentacion
duna di tur loke a bin
ta tumando luga na
Aruba.
Hans Schutte, Director General di Ministerio di OCG, na final a
expresa cu e reunion
tabata uno hopi interesante, ya cu nan
a ricibi un cantidad
grandi di informacion
riba e desaroyonan
2
E-Vespertino.com
tumando luga na Aruba. “Ta parce cu apesar di e crisis economico na mundo, Aruba
ta hayando mas turista y ta concentrando
riba maneho di durabilidad. Ta bunita pa
tende esey,” Schutte
a expresa.
E encuentro no tabata
simplemente
uno unda a sinta scucha kico tur Aruba a
haci, ya cu Schutte
ta kere cu Hulanda di
su banda por yuda cu
Institutonan di conocemento pa por desaroya un tipo di laso
riba p.e. durabilidad
den horeca, turismo y
hospitalidad. Sinem-
bargo e ta un fuerte
creyente tambe cu e
ayudo aki por ta di
ambos banda, ya cu
Hulanda por siña di e
experiencia cu Aruba
a acumula hopi conocemento caba riba e
terenonan aki. “Sigur
nos lo bay traha mas
cu otro,” el a enfatisa.
Schutte tabata hopi
entusiasma cu e presentacion di Aruba y
a pensa mesora cu
Aruba por ta un “proeftuin” pa durabilidad, energia berde,
y tur loke cu tin di
haber cu esaki. “E ta
loke henter mundo ta
buscando aworaki.”
Den e cooperacion cu
Institutonan di conocemento el a menciona TU Delft, TNO,
pero por pensa tambe riba e proyectonan
grandi andando na
Europa di “Grafyn
zonne-energie”.
E
futuro di energia di
solo ta riba esaki y
ya caba tin investigacionnan tumando
luga na Hulanda y
Europa. Den cuadro
di esaki ta surgi cerca
dje e pensamento pa
crea un conexion cu
Aruba, kisas cu cierto testnan por wordo
realisa riba e isla.
OCG, el a bisa, lo por
encurasha e institutonan aki pa evalua
Aruba pa un of otro
tipo di cooperacion.
Esaki lo por ya cu tur
loke e isla a haci te
awor ta hopi. “Nos ta
orguyoso di Aruba, si
analisa e ultimo 50
añanan y mira loke
a wordo logra. Y cu e
ehecucion di e gateway, e lo ta tremendo,” el a duna di conoce.