E-Vespertino Edicion 13 di December 2013 | Page 11

School di Pariba di Brug hungando
weganan pa clasificacion

Diaranson a sigui cu e weganan di Futbol di Sala
Escolar pa clasificacion di
Schoolnan di Pariba di Brug
den Enseñansa Avansa. Tur
wega ta tuma lugar den
Centro Deportivo Libertador
Betico Croes na Sta. Cruz y
ta cuminsa pa 3’or di atardi.

Schoolnan di Pariba di Brug
cu a inscribi pa participa a
keda reparti den dos poule.
Den poule A e schoolnan cu
a hunga riba diaranson atardi tabata: Filomena College, John Wesley College
y St. Augustinus College.
Mientras cu poule B ta conta

cu participacion
di E.P.B. Pariba,
Abraham de Veer
School y Colegio
San Nicolaas, e
ultimonan aki ta
hunga nan wega
riba diahuebs.
E prome wega
di diaranson atardi a bay entre
e hobennan di
Filomena College
y esnan di John
Wesley College.
E wega a resulta den accion
y movecionnan
rapido riba cancha di parti di
e hobennan di
John Wesley College cu tabata hopi decidido pa gana e wega. Esaki a
resulta asina tambe ora cu
despues di e dos temponan
reglamentario e score ta
keda 3 pa 1 na fabor di e
hobennan di John Wesley
College. Ta sigui un des-

canso cortico pa despues e
siguiente wega inicia.
E di dos wega a cuminsa
rapidamente y aki St. Augustinus College a midi forza cu John Wesley College.
Golnan a cay for di ya inicio
di e wega, tur na fabor di
John Wesley College cu ta
gana facil cu score di 7 pa
0. Di e forma aki e hobennan di John Wesley College
a sigura nan clasificacion
pa e wega final di diabierna atardi pa conoce e dos
schoolnan clasifica pa Pariba di Brug. E ultimo wega
di diaranson atardi tabata
entre St. Augustinus College y Filomena College.
Cu hopi animo hobennan di
ambos school a subi tereno
pa hunga. Pero ta esnan di
Filomena College ta probecha di hugadanan pa anota e 5 golnan di partido.
E score final ta keda 5 pa
0 y asina Filomena College
tambe ta pasa pa hunga
riba diabierna.

E-Verspectivo.com

11